10:39 01/5/2015 |
|
Serokê Giştî yê DÎSK'ê Kanî Beko li Beşîktaşê axivî û wiha got: "Heya Taksîm azad nebe Tirkiye azad nabe. Heya li Qada Taksîmê karker bi awayekî azad 1'ê Gulanê pîroz nekirin Tirkiye demokratîk nabe."
|
09:44 01/5/2015 |
|
Serokê Giştî yê KAŞÎP'ê Hakan Aydin da zanîn ku heta niha tu hikûmet û partî ji bo karker û kedkarên taşeron tu xebat ne meşandine û wiha got: "Ji bo mafên karker û kedkaran HDP hêviya azadiyê ye. Em wek karker û kedkar bi hatina HDP'ê re pirsa rewşa dike pir kêfxweş in. Em bi hêvî ne ku dê taşerontî bi saya HDP'ê ji holê rabe."
|
08:50 01/5/2015 |
|
Li Qada Taksîmê ya ku ji pîrozbahiyên 1'ê Gulanê re hatî qedexekirin serê sibê tevgera polîsan hat jiyîn. Polîs ji bo bi komî ketina Qada Taksîmê asteng bike hemû riyê girtin. Ji Stenbolê re bi taybet ji bajarên Kurdistanê gelek polîsa sewqî sewqkirin. Qada Beşîktaş û ber Mizgefta Şîşlî ya ku karker dê lê kom bibin û ber bi Qada Taksîmê ve bimeşin ji aliyê polîsan ve bi TOMA û wesayîtên zirxî hatin dagirkirin.
|
11:28 30/4/2015 |
|
Li Colemêrgê endamên Hêzên Ked û Demokrasiyê ji bo 1’ê Gulanê banga tevlîbûna meşê li her kesî kir.
|
09:29 30/4/2015 |
|
Qada Taksîmê îsal jî ji kedkaran re hate qedexekirin û tendûrîstvanan li hemberî bombeyên gazê û şîdeta polîsan hişyarî kirin. Seroka Şaxa SES'ê ya Şîşliyê Fadîme Kavak balkişand ser bombeyên gazê yên diavêjin nexweşxaneyan û wiha got: "Her sal 1'ê Gulanê nexweşxane tejî dibin. Ji ber bombeyên gazê bi sedan welatî bibandor dibin. Em nizanin dê bombeyên gazê rê li ci vebikin û em careke din hişyariyê dikin."
|
16:27 29/4/2015 |
|
Komîteya Amadekar a 1'ê Gulanê 35 karkerên di 1'ê Gulana 1977'an hatin qetilkirin li Kazanci Yokuşu bîranîn. Sekretera Giştî ya DÎSK'ê Arzu Çerkezoglu di bîranînê de axivî û wiha got: "Ji vê qadê êdî vegerîn tuneye. Em di 1'ê Gulandê li Taksîmê ne." Hevserokê Giştî yê HDP'ê Selahattîn Demîrtaş jî wiha got: "Qedexeya Taksîmê qedexeya 1'ê Gulanê ye."
|
14:34 29/4/2015 |
|
KESK, TMMOB, TTB û DÎSK'ê yên Wanê diyar kirin ku ew dê di 1'ê Gulanê de li Duryana Çandê mitîngê li dar bixin.
|
09:18 29/4/2015 |
|
Karkerên BEDAŞ'ê yên ku ev 260 roj in li ber xwe didin û karkerên Nexweşxaneya Zaningaha Maltepê ye ku ev 144 roj in li ber xwe didin diyarkirin ku di nav danezana partiyan de ya herî bala wan kişandiya danezana HDP'ê ye û di danezana HDP'ê de xuya dike ku ew li cem karkeran cih digirin.
|
09:06 29/4/2015 |
|
Sekretera Giştî ya DÎSK'ê Arzu Çerkezoglu anî ziman ku li Taksîmê qedexekirina pîrozbahiyên 1'ê Gulanê ve hiqûq tê binpêkirin û 13 sal in hikûmet dijminahiyê li karkeran dike û dê di vê hilbijartinê de karker bersivê bidin hikûmetê. Çerkezoglu da zanîn ku qedexekirina Taksîmê dîlgirtina 1'ê Gulanê ye û qedexekirina Taksîmê tê wateya qedexekirina 1'ê Gulanê.
|
09:02 29/4/2015 |
|
Karkerên ku ji bo sendîkayî ne û ji ber amûrên ewlehiya kar xwestin ji kar hatin derxistin bangewaziya 1'ê Gulanê roja cejna karkeran kirin. Karkerê BEDAŞ'ê Recep Gazîgarîpoglu ye ku ji bo amûrên ewlehiya kar xwestin ji kar hat derxistin diyar kir ku ew dixwazîn 1'ê Gulanê bi coşa azadiya Kobanê pîroz bikin û got, "Bi coş û biratiya Newrozê em dixwazin 1'ê Gulanê pîroz bikin."
|
13:57 28/4/2015 |
|
35 karkerên di 1'ê Gulana 1977'an de li Kazanci Yokuşu jiyana xwe ji dest dan hatin bîranîn.
|
13:44 28/4/2015 |
|
KCD'ê ji bo tevlîbûna mitînga 1'ê Gulanê ya dê li Êlihê pêk bê kir û bang li hemû kedkaran kir ku tevlî mitîngê bibin kir.
|
17:17 27/4/2015 |
|
Li Meletiyê Komîteya Amadekar a 1’ê Gulanê bi civîna çapemeniyê ji bo 1’ê Gulanê bangawazî kir.
|
14:51 27/4/2015 |
|
Komîteya Amederiya 1'ê Gulanê bi boneya pîrozbahiya 1'ê Gulanê Roja Karkerên Cihanê daxuyanî da çepemeniyê û diyar kir ku ew ê bi ruhê Cejna Newrozê 1'ê Gulanê pîroz bikin.
|
21:24 25/4/2015 |
|
Komeleya Personelên Şîrketê ya Giştî (KAŞÎP) ji bo mafên karkerên taşeron mîtîng li dar xist. Serokê Giştî yê KAŞÎP'ê Hakan Aydin da zanîn ku pergala taşeronê wek hişmendiya Nemrûdî ye û wiha got: "Berpirsiyarê me hikumeta AKP'ê ye. Ên me nefikirin em ê jî dema hilbijartinê wan nefikirin."
|
16:00 25/4/2015 |
|
Komîtiya Amadekar a 1’ê Gulanê û Bangawazên 1’ê Gulanê li cadeya Îstîklalê meş li dar xistin û banga “Hadê qada 1’ê Gulanê ya Taksîmê” li karker, kedkar û gelan kirin. Li ser navê Komîteya Amedekar a 1’ê Gulanê Sekretera Giştî ya DÎSK’ê Arzu Çerkezoglu bi gotina “Em ji malên xwe derkevin rê lê teqez ber bi Taksîmê vê derkevin rê” banga tevlibûna 1’ê Gulanê kir.
|
12:36 25/4/2015 |
|
Platforma Şaxên KESK'ê ya Amedê bi daxuyaniyekê saziyên ked û gel ên bajarên Sêrt, Şirnex, Amed, Mêrdîn û Êlihê ji bo pîrozkirina 1'ê Gulanê vexwend şahiya ku li Êlihê were lidarxistin.
|
14:30 20/4/2015 |
|
Mamosteyên ku nehatine peywirdarkirin ên ji 81 bajaran hatin Enqereyê diyar kirin ku heta daxwazên wan bi cih were ew ê çalakiya xwe bidomînin
|
14:21 16/4/2015 |
|
Ligel ku li navçeyên Hezro û Hênê mamoste li benda bên tayînkirinin polîs dersên felsefe û îngîlîzî didin. Hat îdiakirin ku polîsê dersê dide ji xwendekaran re gotiye ku welatiyên bi dimilî (zaza) diaxivin ne kurd in.
|
14:44 15/4/2015 |
|
Berdevkên HDK'ê Sebahat Tuncel û Ertugrul Kurkçu bernama 1'ê Gulanê bi civîna çapemeniyê aşkera kirin. Berdevkê HDK'ê Ertugrul Kurkçu da zanîn dê li pey biryara sendîka û odeyên meslekî bin û anî ziman ku dê di roja 1'ê Gulanê de ligel karkeran li qada Taksîmê bin. Tuncel jî diyar kir ku di roja 1'ê Gulanê de tevahî heftiyê wê bi hemû hevbirên Tirkiyê re li qadan bin.
|
