NY: DAIŞ’ê li Mûsilê 232 sivîl kuştin
NAVENDA NÛÇEYAN (DÎHA)- NY'ê daxuyand ku çeteyên DAIŞ'ê li Mûsilê di 26'ê cotmehê de 232 kesên sivîl qetil kirin.
Neteweyên Yekbûyî (NY) têkîldarî rewşa Mûsilê de daxuyaniyekî nivîskî weşand. Di daxuyaniya NY'ê de hat gotin ku çeteyên DAIŞ'ê di 26'ê cotmehê de li derûdora Mûsilê 232 kesên sivîl qetil kirin. NY'ê di dewama daxuyaniyê de eşkere kir ku çeteyên DAIŞ’ê ji gundên derdora Mûsilê nêzî 8 hezar xêzan revandine û birine nav bajarê Mûsilê.
Di dawiyê de jî NY got ku ew welatiyên hatine revandin ji aliyê çeteyên DAIŞ’ê ve weke mertal têne bi karanin, ji ber wê ji welatî ji bo ji destê çeteyan rizgar bibin, serî li rêyên cûda didin ku dibe sedemên windahiyên mezin.
(sa)
