Doza Sûrê ya xwerêveberiyê hat dîtin
AMED (DÎHA) - Doza Hevşaredarên Sûrê û siyasetmedarên kurd ên ku piştî îlankirina xwerêveberiyê der barê wan de hat vekirin hat dîtin, daxwaza rakirina şerta kontrola edlî hat redkirin.
Doza ku der barê Hevşaredarên Sûrê Seyîd Narîn û Fatma Şik Barut, Hevserokê DBP'ê yê Sûrê Alî Rİza Çîçeklî, xebatkaran Akademiya Jinê Guneş Olemz û welatiyê bi navê Hasan Irmak de piştî îlankirina xwerêveberiyê hatibû vekirin li 5'emîn Dadgeha Cezaya Giran a Amedê hat dîtin. Di doza ku siyasetmedarên ku bi muebetê tên darizandin de parêzer amade bûn.
Dozgerê dozê û parêzerên bersûcan xwestin kêmasiyên di dosyayê de bê temamkirin. Parêzeran xwestin şerta kontrola edlî ya Seyîd Narîn û Fatma Şik Barut û qedexeya derketina derveyî welat a Alî Riza Çîçek bê rakirin.
Heyeta dadgehê biryara der barê bûyerên ku li Sûr û Rezan qewimîn de ji Walîtiya Amedê re nevîs bê nivîsandin. Daxwaza rakirina şerta kontrola edlî û qedexeya derketina derveyî welat bi hinceta asta darîzandinê hat redkirin. Doz taloqê çileya 2017'an hat kirin.
(sa)
