Wî çêkir dewletê xira kir
ÊLIH (DÎHA) - Bendava Ilisû ya Heskîfê hem warên dîrokî û hem jî xaniyên welatiyan di bin avê de dihêle. Bendavê xaniyê dîrokî yê Îbrahîm Suzer a 250 salî jî di bin avê de hişt. Îbrahim Suzer (70), bertek nîşanî hikûmetê da û diyar kir ku wî 3 caran xanî ava kir û dewletê xaniyê wî desteser kir.
Bendava Ilisû ya li Heskîfê berdewam dike. Ji ber xebatên bendavê didome gelek warên dîrokî û çandî di bin avê de dimînin. Bendava Ilisû bi sedan warên dîrokî di bin avê de hişt û bi sedan welatî bê cih û war hişt. Yek ji warê dîrokî yê li tenişta Çemê Dicleyê xaniyê dîrokî yê Îbrahim Suzer e. Suzer, anî ziman ku bi dehan salan di bin pira dîrokî de jiya û wiha got: "Di meha remezana par de polîs û leşkeran bi ser mala me de girt. Bi zorê ez ji maê derxistim. Ez birim qereqola Şıkefta. Ji min re got te çima li ser pirê xanî ava kiriye. Ma tu nizane wir qada sîtê ye?" Min jî got ji salên 1950'an heta niha tapoya wî heye. Lê li gel ku tapoya min heye ji i dehan caran de bi ser mala min de girt. Ji ber zextên dewletê em neçar man ku xanî vala bikin."
Min xanî çêkir dewletê ez derxistim'
Îbrahim Suzer (70) destnîşan kir ku pîr û kalê wî 250 sal berê xaniyeki du ode li ser pirê avakiribû û Kal û pira wî di wê malê de jiyan. Suzer, daxuyan ku ew li wê malê mezin bû û wiha got: "Xaniyê kal û pira min e. Em ji vê malê bi zorê derxistin. Piştî em bi zorê ji wir derxistin ez li taxa Kalê bi cih bûm. Lê piştî ez 8 mehan bi cih bûm polîsan ez ji wir jî derxistim. Niha min li gundê xwe yê Serpirê malek nû ava kir. Lê ez bi zorê ji wir jî derxistim. Dewlet ji bo bendavê bi erzanî û zorê zeviyan desteser dike. Min dolima zeviyê bi hezar û 500 tl kirî, lê dewletê bi 10 hezaran nafiroşe. Dewletê bi 30-40 hezar tl bi zorê malên me ji me stendin. Niha bi zorê xaniyên me yên li Heskîfê bi 130 hezar tl dide firotin."
Suzer, herî dawî destnîşan kir ku wî ji bo 25 dolim zeviya xwe ya gundê Serpirê doz li dewletê vekir û got: "Dewletê bi zorê erdê min ji min kirî. Ez de heta dawî doza xwe bişopînim û li mafê xwe xwedî derkevim."
(mae)
