4 kes li Geverê di qezayê de jiyana xwe ji dest dan
COLEMÊRG (DÎHA) – Li navçeya Geverê minibusek û kamyonek li hev qelibîn û di qezayê de 4 welatiyan jiyana xwe ji dest dan û 12 welatî birîndar bûn.
Li ser riya Gever-Colemêrgê wesayîsek rêviyan û kamyonek danê êvarê li herêma sergoyan li hev qelibîn. Di qezayê de 4 welatiyan jiyana xwe ji dest dan û 12 welatî birîndar bûn. Hat zanîn ku rewşa hin welatiyên birîndar giran e. Dermankirina welatiyên birîndar li nexweşxaneya dewletê ya navçeyê berdewam dike û bi bihîstina bûyerê xizmên welatiyan ber bi nexweşxaneyê kom bûn. Di qezayê de Ayten Onay, Ayaz Çakir, Gulistan Karaduman û Turkan Milas jiyana xwe ji dest dan.
(gka/mae)
