RedHack: Tu endamên me nehatine girtin
STENBOL (DÎHA) - RedHack a ku daxuyand hesabên şexsî yê Wezîrê Enerjiyê Berat Albayrak ê zavayê Serokomar Tayyîp Erdogan e desteser kiriye ji hesabekî nû daxuyaniya "Di serî de ez MaNYaK 12 kadro û bi ekîba piştgiriyê dide ya ji bi dehan kesan pêk tê li ser peywira xwe ne. Tu endamên me nehatine girtin" da.
RedHack a ku daxuyand hesabên şexsî yê gmail, yahoo û İCloud ên Wezîrê Enerjiyê Berat Albayrak ê zavayê Serokomar Tayyîp Erdogan e desteser kir ji hesabê @RedHackers97 têkîldarî binçavkirin û agahiyên ku bi dest xistine daxuyanî da.
'Endamên me nehatine binçavkirin'
Di daxuyaniya RedHackê ya ku hate gotin ji kesên Marksis-Leninist pêk tên de ev agahî hatin parvekirin: "Armanca wî di rêziknameyê de hatiye vegotin. Tu caran xwe nake şûna rêxistinên polîtîk, tenê di qada sanalê de xebatên qad vekirinê dike. Di '96'an de bi navê PartizanHack ve derketin vê riyê û di 97'an de bi navê RedHack û di 2012'an de jî veguherî Yekîtiya Kizil Hackeran. Di serî de ez MaNYaK 12 kadro û bi ekîba piştgiriyê dide ya ji bi dehan kesan pêk tê li ser peywira xwe ne. Tu endamên me nehatine girtin. Dewlet nikare rewşa xwe ya ku li hemberî RedHackê ango sosyalîstan ketiye tengasiyê qebûl bike û bi polîtîka gel dîl girtinê û bêdengkirinê ve rû bi rû ne."
Di berdewema daxuyaniyê de jî wiha hat gotin: "Bedela tiştê ku em dikin heye û em vê yekê baş dizanin! Em ji bedeldayînê natinsin! Lê divê hûn vî şerî bi me re bikin! Taylan Kulaçoglu, Abîdîn Çelîk, Ekîn Baykal, Ugur Cihan Okutulmuş ên ku niha li Midûriyeta Emniyetê ya Enqereyê tên girtin vî stretejiya dîl girtinê dijîn. Îro di saetên êvarê de me bi hemû ekîba xwe re têkîlî daniye û me tespît kiriye ku bêkêmasî têdikoşin. Berê jî bi dehan kes wekî ku em in hatin binçavkirin gotina me ji vî feraseta şantajker re ev e; operasyon çawa ye hûn ê bibînin! Bi qodên pînekirî, bernameyên hatine dizîn ew aqilsivikên kuqaşo we diparêzin çopekî çawa ne hûn ê bibînin! Hûn belgeyên nû dixwazin!? Belê ew ê jî bên. Yek ji we jî ji hev bawer nakin û li pişt hev gorên hev dikolin!"
(sa)
