Bîlgen: Bi qayûmê bingeha şerê navxweyî ava dikin
ENQERE (DÎHA) - Berdevkê HDP'ê Ayhan Bîlgen got "Bi qayûmê bingeha şerê navxweyî amade dikin" û aşkera kir ku ev tunehesibandina vîna gel e.
Berdevkê Partiyê yê HDP'ê Ayhan Bîlgen der barê rojeva qayûman de li navenda giştî ya partiyê daxuyanî da çapemeniyê. Bîlgen, berî ku derbasî mijara qayûmê be, der barê Alîkarê Hevserokên Giştî Alp Altinors ê li Enqereyê hat binçavkirin agahî da. Bîlgen bi lêv kir ku ew bi binçavkirineke derveyî hiqûqê re rû bi rû ne û aşkera kir ku raporên der barê Sûc û Cizîrê de hatine amadekirin jî wenî delîla sûc hatiye nîşandan.
'Qayûm provakasyon e'
Bîlgen destnîşan kir ku qayûm provakasyon e û axaftinên xwe wiha anî ziman: "Bi vê dixwazin bingeha şerekî navxweyî amade bikin. Ev provakasyon e. Ev di aliyê hiqûqê de tu rastiya xwe nîne. Hikûmet beyî ku mijara qayûmê bi kar bîne, peywîran diyar dike. Bi guhertina şîroveyê wekî ku tiştekî diguherîne."
Ev bi vekirî nenaskirina vîna gel e. Mafên hilbijartinê ji holê hatiye rakirin. Ji xwe piştî peywîrdarkirina van kesan derûdora şaredariyan bi blokên betonî hatin pêçan, xetên înternetê li herêmê hatin qutkirin. Dema xwerêveberiyên herêmî bên gotin, xwe gihandina herî hêsan tê gotin. Hûn bi lêkirina dîwaran, bi qutkirina înternetê li gorî rêgezê tevnagerin.
'Dê gel xwedî li hilbijêrên xwe derkeve'
Bîlgen, piştî vê daxuyaniyê pirsên çapemeniyê bersivandin.
Li ser pirsa "Dê li dijî hewldana qayûmê helwesta HDP'ê çi be?" Bîlgen ev bersiv da: "Gel çawa di hewldana derbeya 15'ê Tîrmehê de xwedî li hikûmetê derketibe û çawa dextûr nedabe hewldaneke bi zorê, dê gel jî bi heman şêwazî xwedî li vîna xwe derkeve û destûrê nede van hewldanan. Em vê mudaxaleyê raste rast destdanîna ser vîna gel dihesibînin. Heke gel vîna xwe û rûmeta xwe bi qîmet bibîne dê da aliyê demokrasiyê de berteka xwe dayne holê."
Çûyîna Mehmet Ocalana Îmraliyê
Der barê çûyîna birayê Rêberê PKK'ê Abdullah Ocalan, Mehmet Ocalan a çûyîna Îmraliyê de jî Bîlgen ev tişt anî ziman: "Der barê rewş û tenduristiyê de raste rast em dixwazin agahiyekî bigirin. Piştî hevdîtinê dê der barê vê rewşê de agahiyek ji raya giştî re bê parve kirin."
(ms)
