Yuksekdag: Dê ji qanûnên were stû neyê tewandin
ENQERE (DÎHA) - Hevseroka Giştî ya HDP'ê Fîgen Yuksekdag, bertek nîşanî biryara qayûmê û KHK'ya der barê kedkarên cemaweriyê hatiye derxistin da û ev tişt got: "Qanûnên li ser kaxizan hatine nivîsîn û wekî qanûnê dixwazin bi me bidin qebûlkirin, em ê stûyê xwe netewînin."
Hevseroka Giştî ya HDP'ê Fîgen Yuksekdag li meclisê der barê geşedanên dawî de civîn pêk anî. Li gel Yuksekdag Berdevkê Partiyê Ayhan Bilgen, wekîlên HDP'ê Hişyar Aksoy û Besîme Konca jî amede bûn.
Altinors hat derbkirin
Yuksekdag destpêkê binçavkirina Alîkarê Hevserokên Giştî yên HDP'ê Alp Altinors şermezar kir û diyar kir ku serdagirtin û binçavkirin derveyî hiqûqêye. Yuksekdag aşkera kir ku Altinors dema birine Midûryeta Polîsan a Enqereyê hatiye derbkirin û ev tişt got: "Ev jî rewşa demên dawî ya Tirkiyeyê ye. Desthilatdariya ji îşkenceyê re torenasa sifir dide nîşan, ji bo şopên îşkenceyê jê bibe giştînameyan diweşîne."
'Ew hesp kên berda qadê?'
Yuksekdag gotinên Serokomar Erdogan ên wekî "şopên hesp û kuçikan tevli hev bûn" jî bi bîr xist û ev tişt got: "Belê kî ew hesp û kuçik berdan qadê, ne hûn hin? Li dijî vê faşîzmê tenê ya li ser piya maye HDP ye, desthilatdariya siyasî 'kesên ku neaniye' rê bi riya şidet û hovîtiyê dixwaze teslîm bigire. Îro perdeyeke şidet û hovîtiyê ya nû vedibe. "
Yuksekdag der barê qayûma li ser Şaredariya Kopê de jî axivî û destnîşan kir ku ev trajediya desthilatdariya siyasî ye. Bi qayûmekî nikarin me birûxînin. Dê gelê me heta dawiyê xwedî li wan şaredariyên xwe derkeve." Yuksekdag bi lêv kir ku ew qanûnên li ser kaxizan hatine nivîsandin dê baweriya xwe bi wan parçeyên kaxizan neynin û operasyonên li dijî kedkarên cemaweriyê û mamosteyan jî bi tundî rexne kir.
Desthilatdariya siyasî têk çûye
Yuksekdag got "A îro têk çûye desthilatdariya siyasî ye" û wiha dirêjî da axaftina xwe: "Heke em li dijî vê yekê dernekevin em dê têk biçin. Gelekî ku bêdeng nebe dê teqes bi ser keve. We qeyûm avêt ser şaredariyan, lê hûnê bi milyonan hilbijaran çi bikin? Em qayûmên we nas nakin."
Yuksekdag banga berxwedana demokratîk kir û ev tişt anî ziman: "Em di nava van şertan de bang li hêzên demokratîk, akademîsyenên hatine avêtin, hîndekar, kekdarên cemaweriyê ên bê pêşeroj hatine hiştin, kesên wekî derbekar hatine îlankirin, jini ciwan û kekdarên li welat divê em dest bidin hev û benda demokrasiyê ava bikin. Ev gelekî girîng e."
Yuksekdag bersiv da gutinên Wezîrê Karê Hundur Suleyman Soylu ên wekî "yan hero yan mero" û wiha axivî: "Desthilatdariya heta dawiyê banga şer dike û xwe li ser vir dide jiyankirin, hêj rê nêz e xwe ji vê yekê rizgar bike."
(ms)
