Kemal Kiliçdaroğlu: Operasyon vegurîn neçîra pîrebokan
ENQERE (DÎHA) - Serokê CHP'ê Kemal Kiliçdaroglu diyar kir ku li Tirkiye neçîra pîrebokan hatiye destpêkirin û got ku pêşî rojnameger, piştre mirovên zanist, akademîsyen û herî dawî jî mamoste hedef hatine girtin.
Serokê CHP'ê Kemal kiliçdaroglu beriya civîna Meclîsa Partiyê daxuyaniyek da û diyar kir ku piştî hewla darbeyê gotin emê pêvajoyê bi tena serê xwe bidin meşandin û têkoşînê bidin û wiha got: "Bînalî Yildirim roja OHAL li Meclîsê dihat nirxandin li min geriya û piştgirî xwest. Min got 'Ez we fêmdikim, lê divê partiyek parastina demokrasiyê bike' û em li hemberî OHAL'ê derketin.
Kiliçdaroglu di berdewama axavtina xwe de got ku 4 partiyên li Meclîsê li hemberî darbeyê derketin û got: "Hikûmetê danezanê ji Neteweyên Yekbûyî (NY) re şand. Ger amadekariyek bi vî rengî hebû her 4 partiyan dikaribû bihevre sererastkirinê çêbike. Le wan got na û sererastkirina bihevre qebûl nekirin."
'AKP Tirkiye anî ber felaketê'
Her wiha Kiliçdaroglu got ku tevgera tenê dê encamên wê gelek girîng be û wiha berdewam kir: "Mînak polîtîkayên derve. Digotin di 12 saetan de emê biçin Şamê, lê mixabin Turbeya Suleyman Şah revandin û anîn sînor. Yên ku digotin herî zêde ez dizanim û fikrên herî baş li gel mine Tirkiye anî ber felaketê. Dema balafira Rûsya hat xistin ketin pêşbirkê û gotin balafir me xistiye. Paşê lêborîn li ser lêborînê ji Rûsyayê xwestin. Dewlet hînî şikestinên bi vî rengî nebûye. Divê hun 180 derece li gotinên xwe nezîvirin."
'Operasyon veguherîn neçîra pîrebokan'
Kiliçdaroglu di berdewama axavtina xwe de bibîrxist ku operasyonên li hemberî Cemaeta Gulen veguherîne operasyona neçîra pîrebokan û wiha got: "Di vê serdemê de 2 hezar û 308 rojnameger ji kar hatin avêtin. Paşê mirovên aqilmend û akademîsyenan ji ber îmze avêtin danezanê girtin. Niha jî 11 hezar û 285 mamoste ji kar tên derxistin.'
Kiliçdaroglu di dawiya axavtina xwe nerazîbûn nîşanî rayedarên Hikûmetê da û got ku Hikûmeta AKP 14 sale desthilatdare û pirsa Heta niha li ku bû? kir.
(ot)
