Demîrtaş: Hin kes hêj Serokomar dixapîne
ENQERE (DÎHA) - Hevserokê Giştî yê HDP'ê Selahattîn Demîrtaş der barê operasyonên li dijî karekrên cemaweriyê nirxandin kir û da zanî hin kes hêj dixwazin Serokomar bixapînin.
Piştî hewldana derbeyê di bin navê cemaetê de bi hezaran kes ji kar hatin avêtin, ev êrîşên qirkirina siyasî ji hêla Heyeta Konfederasyona Sendîkayên Kedkarên Cemaweriyê (KESK) ve hat rojevê. Heyet çû serdana Hevserokê Giştî yê HDP'ê Selahattîn Demîrtaş. Heyeta ji Hevserokê Giştî yê KESK'ê Lamî Ozgem, Serokê Giştî yê Egîtim Senê Kamuran Karaca û Sekreterê Malî yê KESK'ê Ramazan Gurbuz pêk dihat, der barê zextên li ser endamên wan de agahî dan.
Demîrtaş diyar kir ku bi riya KHK'yan li dijî kedkarên cemaweriyê êrîşên qirkrinê hatine destpêkirin û aşkera kir ku bi vê riyê dixwazin Serokomar Erdogan û Serokwezîr Yildirim jî bixapînin.
Demîrtaş di dewama axaftina xwe de ev nirxandin kir: "Welatekî ji hewldana derbeyê rizgar bûyî çiqasî cihê kêfxweşiyê be, piştî derbeyê bêhiqûqiyên ku pêk tên jî ew qas cihê dilêşiyê ye. Ez ji vê bawer nakim; hin kes hêj Serokomar û Serokwezîr dixapînin."
Demîrtaş bangî Serokomar Erdogan kir û wiha pêde çû: "Divê Serokomar vê yekê zanibe; ev hemû tişt li wî tê barkirin û wisa tên kirin."
Serokê Giştî yê Egîtîm Senê Kamuran Karaca jî diyar kir ku ew vê pêkanîna ku pêre rû bi rû mane, ji bo bi partiyên siyasî re parve bikin hatine serdana wan. Hevserokê Giştî yê KESK'ê Lamî Ozgen jî ev tişt anî ziman: "Di bin navê hewldana derbeyê de ev pêla operasyonên qikirinê derveyî hiqûqê ye. Bi hezaran karkerên cemaweriyê beyî ku tu hincet bên nîşandan ji kar tên girtin." Ozgen herî dawî aşkera kir ku karkerên bi tevdîrî ji kar hatine avêtin divê demek ji ya din zûtir dervetên vegera kar bê sazkirin.
Piştî vê daxuyaniyê hevdîtin bi çapemeniyê re girtî hat dewamkirin.
(ms)
