Yuksek: Heta şik û guman ji holê rabin divê çalakî bên zêdekirin
AMED (DÎHA) - Hevserokê Giştî yê DBP'ê Kamûran Yuksek ji girtîgehê peyamek şand û greva birçîbûnê ya li Amedê silav kir û got divê ev çalakî zêde bibin.
Hevserokê Giştî yê Partiya Herêmên Demokratîk (DBP) Kamûran Yuksek ê ku di 13'ê gulanê de li Amedê hat girtin û li Girtîgeha Tîpa F a Kurkuçulera Edeneyê tê girtin, têkildarî greva birçîbûnê ya li Amedê ji bo daxwaza hevdîtin bi Rêberê PKK'ê Abdûllah Ocalan re pêk bê hat destpêkirin, peyamek şand.
Yuksek di peyama xwe de wiha got:
"Tu kes ji me ji 5'ê nîsana 2015'an heta niha bi tu awayî agahî ji Rêberê PKK'ê Abdûllah Ocalan nagire. Dewlet û AKP, li dijî Birêz Abdûllah Ocalan tecrîdeke giran disepînin. Ev tecrîd bi qasî ku ne exlaqî ye, ewqas jî derhuqûqî ye. Ji bo şikandina vê tecrîdê, greva birçîbûnê ya ku li Amedê hat destpêkirin, çalakiyeke pir bi rûmet e. Ji bendika dil ez rêz û hezkiriyên xwe ji bo hemû dost û hevrayên beşdarî greva birçîbûnê bûne verê dikim. Ez di wê baweriyê de me ku dê greva birçîbûnê dê têkoşîna azadî, demokrasî û aşitiyê her zexmtir bike. Divê gelê kurd, xwedî li rêberê xwe derkeve, da derbareyê ewlehî, tenduristî û azadiya wî de şik û gumanên nemînin û di vî warî de divê çalakiyên xwe zêde bikin û bidomînin."
(red)
