Baluken: Daraza ku cubeyên xwe pevxistin dê baweriya me pê nayê
ENQERE (DÎHA) - Serokwekîlê Koma HDP'ê Îdirs Baluken li Meclisê der barê rojevê ve de daxuyanî da û diyar kir ku hevdîtinek bi Rêberê PKK'ê Abdullah Ocalan re pêk bê, dê hêviyên aştiyê xurt bike ji ber ku AKP ji aştiyê ditirse hevdîtina nasteng dike. Baluken der barê biryara bi zorê birina dadgehê de jî axivî û ev tişt got: "Daraz dema wî dibîne ji sed petreyî dûr bişkoşkên xwe pev dixe. Em ê ji çiyê vê darazê bawer bikin.?"
Serokwekîlê Koma Partiya Demokratîk a Gelan (HDP) Îdirs Baluken, der barê rojevê û geledanên dawî de li meclisê daxuyanî da çapemeniyê.
Baluken destpêkê komkujiya 6-7'ê îlonê ya ji hêla dayreya şerê teybet ve hat plankirin şermezar kir û got "Divê li ser navê dewletê lêborîn bê xwestin. Îro salvegera 6-7'ê Îlonê ye. Divê bi 6-7'ê Îlona 1955'an re hevrûbûnek pêk bê. Divê ji kesên zerar dîtin lêborîn bê xwestin, zerarên wan bên pêşwazî kirin."
Baluken der barê tecrîda kûr kirî ya li ser Rêberê PKK'ê Abdullah Ocalan tê meşandin de jî axivî û aşkera kir ku li ser Ocalan bê hiqûqiyeke mezin û ji derveyî exlaqê tê meşandin. Baluken bi lêv kir ku piştî hewldana derbeya 15'ê Tîrmehê mafê gel heye ku agahiyê ji Ocalan bigire. Baluken greva birçîbûnê ya duh li Amedê hat destpêkirin jî silav kir.
Baluken da zanî hevdîtina parêze, malbat û heyeteke serbixwe ya bi Ocalan re jî tê astengkirin û ev tişt got: "Ev ji derveyî qanûnan e. En sedema wê dizanin. Ji ber ku aştiyê naxwazin. Hevdîtineke bi Birêz Ocalan re dê hêvjiyên aştiyê bi xwe re bîne, ji vê ditirsin."
Baluken herî dawî bi zorê anîna dadgehê ya 7 wekîlan jî wekî derbeya AKP'ê nirxand û destnîşan kir ku daraza ji sed metreyî dûr pêşiya xwe pevxe, dê ji çiyê vê darazê bê bawerkirin? û aşkera kir ku dê wekîl neçin îfadeyê nedin.
(ms)
