Demîrtaş li Milazgirê bang kir: Ji Îmraliyê agahî neyê girtin dê xeterî mezin be
MÛŞ (DÎHA) - Hevserokê Giştî yê HDP'ê Selahattîn Demîrtaş, li Milazgira ku deriyê Anatolyaya Navîn ji tirkan re vekir, bang li siyasetmedaran kir û berî ku mirin zêde bin vî şerî bidin rawestandin Demîrşat der barê greva birçîbûnê ya îro li Amedê hat destpêkirin de jî axivî û diyar kir ku heke ji Îmraliyê agahî neyê girtin dê xetere mezin be.
Di pêşengtiya HDP û DBP'a Mûşê de bi dirûşma "Li dijî şer aştî" li navçeyên Melazgir û Kopê yên Mûşê mitîng hat lidarxistin. Mitînga ku Hevserokê Giştî yê HDP'ê Selahattîn Demîrtaş, Hevserokê Giştî yê KCD'ê Hatîp Dîcle û gelek rêveberên HDP û KCD'ê yên Milazgirê jî beşdarî mitîngê bû.
Hevdîtina bi gel li ber avahiya DBP'ê ya Melazgirê destpê kir, rêvberên HDP'ê yên navçeyên herêmê jî di nav de gelek kes beşdar bûn.
Demîrtaş diyar kir ku dê gel qedera Tirkiyeyê biguherîne û ev tişt got: "Di dawiya dawî de mafê axaftinê yê gel e, biryar ya gel e. Heke hûn biryara aştiyê bidin dê aştî pêk bê. Qedera vî welatî hûn dikarin biguherînin."
Demîrtaş destnîşan kir ku daxwaza lezgîn a gel aştî ye û ev tişt got:
"Pêwîstî bi çi hebe em destpêkê direvin wir. Daxwaza meya lezgîn aştî ye. Bi salan e em aştiyê diqîrin. Di sala 1071'an de gelên tirk û kurd hevkariyeke bi hêz pêk anî. Em li cihê ku ev hevkarî hatibû kirin bang dikin. Di ser re salek derbas bû. Dema Alpaslan derbasî Anatolyayê bû hevkarî xwest. Bi hezaran yekîneyên suwarî yên Merwaniyên kurd guh dan alpaslan. Hevkariyeke bi hêz deriyê Anatolayê ji bo tirkan vekir. Ev ne hevkariyeke xirab bû. Dema Alpaslan hat vir negot hûn kurd nînin û ev ax jî ne Kurdistan, ev pişt got? Ev ax wê demê Kurdistan bû. 900 salî bi vê hiqûqê jiyan kirin. Di herikîna dîrokê de pirsgirêk derketin. Sal 2016 ye hêj gel daxwaza perwerdeya zimanê xwe dike, ev şermeke mezin e. Ev şer jî ne ya me ye, yên nîqaş dikin bila şerm bikin."
Demîrtaş aşkera kir ku mase rûxandin, şer dest pê kirin bê çareyî ye û bang li hikûmetê hat kirin dest ji vî şerî berde.
'Webalê hemû mirinan stûyê Serokwezîr e'
Demîrtaş di dewama axaftina xwe de li ser axaftinên Serokwezîrê tirk Bînalî Yildirim jî sekinî û ev tişt anî ziman: "Axaftinên wî yên wekî 'aştî maştî tune birê min' çê bûn. Axaftineke wiha û bê cidiyetiye wiha dibe? Her roj cenazeyên bi dehan ciwanan tên. Rawestandina vê xwînê ew qas hêsan be, gotina 'çareserî tune' webalê hemû miriyan digire stûyê xwe. Ev webal li stûyê te ye."
'Vê peyamê rast bigirin'
Demîrtaş çalakiya greva birçîbûnê ya li Amedê hatiye destpêkirin jî nirxand û wiha pêde çû: "Ez li cihekî ku gelên tirk û kurd hevkariyek kiriye bang dikin. Werin em gaveke ku van mirinan dide rawestandin bavêjin. Gel ji bo vê deng da me. Agirbest dibe, hevdîtina bi Îmraliyê re dibe, dê bi şêweyekî bibe. Dê rêbaz bên nîqaş kirin û çareseriyek bê dîtin. Em ji derveyî Xwedê ji kesî natirsin. Heyfa zarokênvî gelî. Li cihekî aştî tune be li wir tem tune. Heke li welat aramî tune be, tu wateya pakêtên abiriyê tune. Berî her tiştî aştiyê pêk bîne. Divê hikûmet vê yekê bike. Hikûmet ji bo vê heye, ne ji bo gel bipelçiqîne. Divê em demê winda nekin. Em ji Milazgirê careke din bang dikin. Wezîrê Edaletê difikire ku em rewşa Îmraliyê îstismar dikin. Heke em wisa dikin, parêzerekî bişîne û vê niheya me vala derxe. Me ji bo vê li Amedê dest bi greva birçîbûnê kir. Heke ji Îmraliyê agahî neyê girtin dê xetere hêj zêdetir be. Vê peyamê rast fêm bikin. Riya aştiyê diyar e."
Piştî axaftinê Demîrtaş û Hatîp Dîcle derbasî Kopê bûn û beşdarî mitîngê bûn.
(ms)
