Helîkoptereke Rûsyayê li Îdlibê hat xistin - HATE NÛKIRIN
NAVENDA NÛÇEYAN (DÎHA) - Hat diyar kirin ku li bajarê Îdlibê ya dikeve bakur rojhilatê Sûriyeyê, helîkoptereke Rûsyayê ya bi tîpa Mî-8 hatiye xistin û kesên tede jiyana xwe ji dest dane.
Li gorî agahiyên ku ji hêla Wezareta Parastinê ya Rûsyayê ve hat dayîn de helîkoptereke wan a bi tîba Mî-8 di 1'ê Tebaxê (îro) de dema ji bajarê Îdlibê vedigerî Helebê û alîkarî dibir, dema dihat balafirgeha Hmeymîmê hatiye gulebarankirin û ketiye xwarê. Berdevkê Kremlîn daxuyanî da û aşkera kir ku kesên di helîkopterê de jiyana xwe ji dest dane.
Hemûyan jiyana xwe ji dest dan
Wezareta Parastinê der barê kesên di helîkopterê de jî agahî da û aşkera kir ku di helîkopterê de 3 peywîrdar û 2 leşkerên agirbesta li Sûriye û Rûsyayê dişopandin dî di helîkopterê de bûne. Berdevkê Kremlîn, Dmîtriy Paskov piştre der barê aqubeta kesên di helîkopterê de jî agahî da û piştrast kir ku hemûyan jiyana xwe ji dest dane. Kremlîn di dewama daxuyaniya xwe de ji malbatên kesên jiyana xwe ji dest dane re sersaxî xwest.
(ms)
