Tuncel: Ji 12'ê Îlonê heta îro darbekar Tirkiye bi rêve dibin
BEDLÎS (DÎHA) - Hevseroka Giştî ya DBP'ê Sehabat Tuncel, di kongreya DBP'ê ya ya Bedlisê de diyar kir ku Serokomar Erdogan 12 salan li gel darbekarên Tirkiye bi rêve biriye û wiha got: "Yên ku îro darbekar tên bi navkirin bi destê AKP'ê hatin peyvirdarkirin. Li aliyê din li dijî Ocalan tecrîda giran tê meşandin. Di şexsê Ocalan de gelê Rojhilata Navîn li Îmraliyê hatiye tecrîdkirin.
Rêxistina DBP'ê ya Bedlîs 3'emîn Kongreya xwe ya Awarte li Salona Navenda Çandê ya Şaredariya Bedlisê pêk anî. Di kongreyê de Hevseroka Giştî ya DBP'ê Sebahat Tuncel, Wekîla HDP'ê Nursel Aydogan, endam û rêveberên KJA, MEYA-DER, KCD, ÎHD, KURDÎ-DER, Dayikên Aştiyê û sedan kes amade bûn. Li salonê pankartên biryara têkoşîna azadî û demokrasiyê tîne ziman hatin daliqandin. Kongreyê bi rêzgirtin û hilbijartina dîwanê dest pê kir. Piştre Hevserokê DBP'ê yê Bedlîsê Enver Barin, diyar kir ku ji bo mafê gelê kurd bi dest bixin dê bêtir têbikoşin.
'Ji 24'ê Tîrmehê heta niha em OHAL'ê dijîn'
Wekîla HDP'ê ya Amedê Nursel Aydogan jî diyar kir ku anî ziman ku HDP û DBP di pêvajoyên pir zor û zahmet de kongreyên xwe pêk tînin û wiha got: "AKP'ê piştî hewldana darbeya leşkerî OHAL îlan kir. Lê em ji 24'ê Tîrmeha 2015'an de darbeya leşkerî û siyasî dijîn. Ji ber darbeyê me ji mecbûr3i kongreya xwe pêk anî."
Tuncel: Em ne xerîbê van tiştan in
Hevseroka Giştî ya DBP'ê Sebahat Tuncel jî anî ziman ku ev geşedan û pêkanînên li Tirkiye ji bo wan ne tiştekî nû ye. Tuncel, anî ziman ku di komkujiya li Kurdistanê de 4 rêveberên DBP'ê yên navendî hatin qetilkirin û Hevserokê wan Kamuran Yuksek hat girtin. Tuncel, da zanîn ku ev kongreyên wan ji bo avakirina jiyana nû ye. Tuncel, bilêv kir ku li Tirkiye dijberî faşîzma AKP'ê tenê hêza alternatif a demokratîk DBP ye û wiha got: "Tirkiye demek dirêj ji aliyê darbekaran ve tê birêvebirin. Her ji 10 salan carekê hewldana darbeyê pêk tê. Rêberê Gelê Kurd Birêz Abdullah Ocalan li ser maseya muzakereyê got 'Ew qesr te naparêze. Tenê Demokratî dikare te biparêze. Tu ne di ferqê de ye.' Yê yekêm got li tirkiye "Dewleta paralel heye" Rêberê PKK'e Abdullah Ocalan bû. Hikûmetê bi darbekaran re komkujiyên li kurdistanê pêk anî. Erdogan 12 salin bi darbekaran re Tirkiye bi rêvebir. Kesên duh li Nisêbîn, Gever, Hezex, Cizîr û Sûrê komkujiyên mezin pêk anîn îro wekî darbekar tên bi navkirin. Hêj heta duh Erdogan ew wekî qahraman îlan dikir. Van Kahramanên Erdogan Li Cizîrê 300 welatî qetil kir. Em weki DBP'ê dê xwe bi rêxistin bikin û têkoşîna xwe mezin bikin. Ger ku OHAL hebe birin kuştin û zilim heye. AKP li dijî pirsgirêka kurd polîtîkayên şer dixe meriyetê.
'Ocalan pêşeroja gelê kurd û tirk e'
Hikûmetê maseya muzakereyan ji holê rakir û li şûna wê tecrîd giran kir. Bi îlana OHAL'ê re tecrîda li ser Birêz Ocalan girantir bû. Divê bi lezgîn heyetek biçe Îmraliyê. Birêz Ocalan pêşeroja gelê kurd û tirk e. Pêşeroja gelê Rojhilata NAvîn e. Ji ber vê yekê tecrîda li ser Ocalan tecrîda li ser gelên Rojhilata NAvîn e. Em bang li heyeta CPT' dikin ku rewşa Ocalan lêkolin bike û bi raya giştî re parve bike.
Pişti axaftinê hilbijartin pêk hat. Di hilbijartinê de Ji bo Hevserokatiya DBP'ê ya Bedlisê Necla Halli û Enver Barin hatin hilbijartin.
(mae)
