Tu kesî/ê guh neda hilbijartinên li Sûriyê ye
NAVENDA NÛÇEYAN (DÎHA) - Li Sûriyeyê li herêmên di bin banê Rejîma Baasê de sindoq hatin danîn. Li ser banga MSD'ê hilbijartina ku bala gelên Sûriyeyê nekişand, raya cîhanê jî heman hilbijartin rewa nedît.
Li Sûriyeyê îro saet di 07.00'an de li herêmên di bin banê Rejîma Baasê de ne, ji bo hilbijartana parlementoyê sindoq danîn. Sindoqên hilbijartinê ji aliyê kurdan û gelên din ve hat boykotkirin û her wiha li gel vê raya cîhanê jî heman hilbijartin rewa nedît. Meclîsa Sûriyeya Demokratîk(MSD) bang li gelên xwe kir û got, "Hilbijartinên nerewa boykot bikin." Li gel vê Amerîka jî daxuyanî da û diyar kir ku ev hilbijartin ne rewa ne û ew dê encamên wê esas negirin.
Sindoqên ku ji aliyê rejîmê ve bi awayekî yekalî hatin danîn, di serî de li Federasyona Sûriyeya Rojava-Bakur û li bajarê Îdlîb, Ezaz û derdora Helebê yên di bin banê çeteyên DAIŞ û El-Nûsrayê de ne sindoq nehatin danîn. Li kurdên ku li cihên sindoq hatin dayîn hilbijartin boykot kirin. Derbareyê hilbijartinê de Berdevkê Wezareta Karên Derve yê DYA'yê Mark Toner diyar kir ku ew encamên vê hilbijartinê "rewa" nabînin. Toner hilbijartin wiha nirxand, "Di warê temsîliyetê de em vê hilbijartinê rewa nabînin. Ev hilbijartin îradeya gelên Sûriyeyê temsîl nake."
(red)
