Hemverê nêheqîya de 'Roşana Gadîr Hum'
HAMDÛLLAH KESEN
EDENE (DÎHA) - Berpirsîyarîya Platforma Elewîyên Edeneyî Mîkdat Ozturk ser Roşan Gadîr Humî vat ke no roşanê nêheqîya ke sere Hz. Alî ra ameyakerdişî yo, no roşan hîna watedar kena.
Hz. Muhammde serrê 632'ê de agêyrayişa Veda Hacci 'Hecca xatir waştişî' de herêmî de Gadîr Humî de qise kerdo û qise xo de vato ke: "Ez mevlayê kamo se, Alî zî mevlayê ey o." la peynîya vefata Hz. Muhammedî şera hîlafetî dest pê kerd. Hz. Ebubekîr Halîfe ame weçînayişê û Hz. Alî zî rayvertî ra ame dûr vistişî. No ser zî elewîya no dem ra hetanê nika 1381 serro ke en gird roşan 'Roşana Gadîr Humî de' pîroz kenîy. Nika zî no roşan miyanê 5 citmenge û 5 teşrînî de yena pîroz kerdişî."
Elewiyan heqê xo geyrenîy
Berpirsîyarîya Platforma Elewîyên Edeneyî Mîkdat Ozturk ser Roşan Gadîr Humî şirove kerd.
Ozturk dîyar kerd ke no roşanê nêheqîya ke sere Hz. Alî ra ameyakerdişî yo. No roşan hîna watedar o û wina vat: "Bi serrano ke elewîy her tim hetê şarê bindestî ca girewtîy û no zî heskerdişa Hz. Alî ra yeno. La nika Tirkîyayî de bawerîya elewî binê temînatî de nîyo, no ser zî elewîy her tim çalakîyê demokrasî û heq geyrayişî de ca girewtîy. Hetta tesaduf nîyo, qewimyayişa Gezîyê, 6 heb elewîy şehîd kewtîy."
Ozturk aşkera kerd ke Tirkîyayî de sere bawerîyan de azadî çinya û no zî aştîya komeleyî xirap kena û wina domna: "Eke Tirkîyayî dewlete her kes aslî unser bihesipno, no demî mutabakata komelî bêro viraştişî. La bawerên bandorê elewîyan ra corî evnîyenîy. No ser zî Gurgum, Sêwaz, Çorum û Dêrsim de sere elewîyan polîtîkayên qirkerdişî şixulnay. Ez wazena ke her kes, her kesî ra rêz nîşan bido, no welatî de her kes zeypê bibo."
(ad/mae)
