Çeteya Gulsuyuyê hewna hêriş kerd
STENBOL (DÎHA) - Taxa Gulsuyuya Maltepeya Stenbolî de hêrişên çeteya Gulsuyuyê domyena. Nika endamê no çeteyî Şofor Serhat Gul seba xeracî bi çekî de birîndar kerdîy û nika Gul nêweşxaneyî de maneno.
Taxa Gulsuyuyê de endamên ulsuyuyê bi taybetî taxî de kurd, sosyalîst û esnafên ra hêriş kenîy. Çimkî bi taybetê şarê kurd û sosyalîstan faelîyetên no çeteyî ra asteng benîy û destûr nêdanîy ke polîtîkayên fuhûş û tiryak sere ciwanên taxî de bişixulnîy. Dema vîyarteyî de endamên no çeteyî de ciwan Hasan Ferît Gedîkî kiştbîy û zaf hûmarîy de kesîy zî birîndar kerdbîy.
Nika zî endamên no çeteyî xo ra xebatkar û kedkarên BDPî hedef girewtîy. Endamê no çeteyî birazayê Îdarekerî BDPa Maltepeyî Yaşar Gulî, Serhat Gulî bi çekî de birîndar kerdîy.
Sifteyin endamên no çeteyî dorûverê Gulî, Dînga Fatma Hanimî de gînêy û ey ra xeraç wazenîy û la Gul waştişê înan ra hemverê keno û no ser zî endamên no çeteyî Gulî bi çekî de birîndar kenîy. Peynî zî Gulî wedarnanêy Nêweşxaneya Okmeydanî. Mijar ser Îdarekerên BDPa Maltepeyî aşkera day û aşkerayî de vatêy ke no hêrişî Şahîn Eren o kerdo û no kes zî Endamê Çeteya Gulsuyuyî yo.
(ad/mae)
