Esnafên kurdî ra Beşîktaşî de hêriş!
STENBOL (DÎHA) - Nêy rojên peynî de qezaya Beşîktaşa Stenbolî de bi taybetê yew kom(30 kesîy) bi çuweyên asinê û kardên donerî de bi taybetê esnafên kurd û karkeran ra hêriş keno.
Bi taybetê rojawana Tirkîyayê de her tim hêriş ya ciwanên kurd ya zî esnafên kurdî ra hêriş yena kerdişî. Hewna no mijar Beşîktaşî dubare kerd. 10 citmengî de miyanê Cengîz peynameya dîyar nêyo welatija kurd nameyê ey Cesîm Arslanî de nîqaş vejîyayo. Peynîya nêqaşî Cengîz bi 5 kesîy de dikanê Arslanî ra şîyê û Arslanî ra hêriş kerdîy. No demî de esnafên kurd zî waştêy hetan cîya bikerê, la belê nêy kesan kurdan ra zî hêriş kerdîy. Dema hêrişê de Suar Arslan, Cesîm Arslan, Eyip Yerlî û Huseyîn Karataş zî birîndar bîy û polên Eyip Yerlî zî şikyayo. Polêsan cayê qewimyayişê amey la belê hêrişkaran mudaxale nêkerdîy û esnafên kurdêy girewtêy binçimê.
Kurdan wazenê bivejney
Hêriş ser esnafê kurd Huseyîn Karataş vat ke armancê nêy hêrişan esnafê kurdan vejyayişa Beşîktaşê ser o û nînan ard ziwan: "Dema vîyarteyî de zî nêy kesan ma ra gefan wendêynê. Wazenêy ma Beşîktaşê ra bivejnêy."
Hewna mijar ser Eyip Yerlî vat ke Cengîz dema vîyarteye de bi taybetê kurdan ra hêriş keno û wina qedna: "Cengîz reîsê yew çeteyo û endamê no çeteyê 20 kesîy est o. No Cengîz wazeno şerê tirk û kurd bivejno. Ma tersenêy."
(aw)
