Elewîya Metîner gerre kerd îy
SEMSÛR (DÎHA) - Wekîlê AKPa Semsûrî Mehmet Metîner ser keyeyên cemî vatbî ke 'keyeyên cemî halûna terorîstî yo.' No vatişî ra Serekê Sazîya Kultura Pîr Sultana Abdala Semsûrî (PSAKD) Mahmut Yapici bertek mojnabi û vatbi ke ey Seba ke Metîner Semsûrî de wekîl bîyo û no rewşê ra zî zaf şerm keno. No vatişî Metînerî ra Semsûrî de heme sazîyên elewîyî heqî bertek dabî û Metîner gerra kerdîy.
Yew bernameya televîzyonî de Wekîlê AKPa Semsûrî Mehmet Metîner qise xo de vat bi ke 'keyeyên cemî haluna terorîstî yo' no vatişê Metînerî ser Semsûrî de heme sazîyên elewîyî Metînerî ra bertekêy xo mojnay.
Mijarî ser de zî Serekê Sazîya Kultura Pîr Sultana Abdala Semsûrî Mahmut Yapici vatbi ke keyeyên cemî de Homa, Muhammet û Alî her tim yenîy vîrardişî û wina vat: "Metînet bi qetî heqî elewîtî û keyeyên cemî de çik nêzano û no ser zî tabîrî 'keyeyên cemî halûna terorîstî yo.' şixulnayo. Asil terorîst ey xelq kenêy. Kese ke no vatişê 'keyeyên cemî halûna terorîstî yo.' vato, ez Semsûrî de wekîl bîyîşî ey ra şerm veyneni. Ma heqî Metînerî de bi qetî gerrakerdox êy."
Hewna mijar ser Serekê Wexfa Kultura Haci Bektaşa Velîya Anadoluyî Nusret Tunç zî vatbi ke AKPij Metîner cuyayişê xo de her tim 'zikzak' xêzkerdo û no şeklî de zî rant qezenc kerdo û wina domna: "Armancê Metîner şov o, hetanê nika qet welatij elewîyan Metîner diqet nêgirewtêy û ey hesab daxî nêkerdîy. Hetta nika ma ey qet kombîyayişan xo ra dawet nêkerdêy û ma dawet zî nêkerêy. Eke destê ey de îdayê xo ser belge est o se, şîro dozgeran ra teslîm bikero û nêşîro televîzyonan de şov nêkero û ma bi qetî peynîya no vatişê zî nêverdîy. Ma bi qetî Metînerî ra gerrekerdox êy. Ma bi qetî Serekwezîr mijarê elewîtî de samîmî nêveynenîy. Ma bi taybetî wazenêy keyeyên cemî bibo cayê îbadetxaneyî. Hukûmat elewîyan ser çi pakêt hadre bikero zî ma zanenêy miyanî nêy pakêtan veng o û no ser zî ma no pakêtan nêşinasnenêy."
Vîzîr zî Semsûrî de Sazîya Kultura Pîr Sultan Abdalî, Wexfa Kultura Haci Bektaş Velîya Anatolyayî, BDPa Semsûrî, Egîtîm Sena Semsûrî, ÎHD, pawitoxan û zaf hûmarîy de welatij heqê Metînerî de Serdozgerîyê Komara Semsûrî ra gerre kerdîy.
Verê Adlîyeya Semsûrî de Serekê Wexfa Kultura Haci Bektaş Velîya Anatolyayî Nusret Tunç aşkera da û vat ke vatişê xo de 'keyeyên cemî halûna terorîstî yo.'
Metîner heme elewîyên ra nêheqê kerdo û wina vat: "Ma zî no vatişê Metînerî şermezar kenîy."
Peynîya aşkerayî beşderwanêy heqê Metînerî de seba gerrayî waştişnameyan Dozgerîya Semsûrî ra teslîm kerdîy.
(aw)
