Polîtîkayên Tirkîyayî ganî bero bedilnayişî
ENQERE (DÎHA) - ÎHD û FÎDH sînora Tirkîya û Sûrîyeyê ser rapor hadre kerdêy û raporê xo de zî dîyar kerdêy Tirkîyayî de polîtîkayên ser Sûrîyeyî şixulneno û nêy polîtîkayê neweyî ra çimê ra vîyar o, Konferansa Cenevreyî ra hetkarê bido û Tirkîya Rojawanî tekîlîyan rono.
Nêy 3 serrêy ke Sûrîyeyî de şera miyanê dest pê kerdo. La belê peynîya şerê hêzên kapîtalîst (Tirkîya, DYA, Îngîlîstan swb.) bi hevparîya çeteyan de şerê ra daxîl bîy. No şere de zî şarê Rojawanî bi projeya Rayverê Şarê Kurd Abdullah Ocalanî de şoreşa xo îlan kerdîy. La belê nika bi taybetî El-Qaîdeyî ra gireda El-Nusra kurdan hêriş kena û hemverê no rewşê de zî kurdan bi xo, bi hêza xo YPGî de xo pawenêy.
ÎHD û Fedarasyona Heqên Merdîmatîya Miyanênnetewîyî (FÎDH) miyanê 5 û 7 citmenge de sînora Sûrıyeyî de cipersayiş kerdîy û mojnayişan xo de binê rapora Miyanê Sînora Tirkîya û Sûrîyeyê de vîyaryayişî de kom kerd. Bineya ÎHDa Enqereyî de rapor aşkera kerdîy.
Dema aşkerayî de Serekê ÎHDî Ozturk Turkdogan qise kerd û vat ke no raporê akerdayişa berê sînoran û vîyarnayişa ardiman ser hadre kerdîy û wina vat: "Dema mojnayişê xo de ma tespît kerdîy ke Wezareta Kare Teberê Tirkîya bi pêroyinnameyî de sînoran girewto, Sînora Bera Nisêbînê hetê Tirkîyayê akerde yo, La hetê Sûrîyeyê ra akerd nîyo, Berên Şenyurt û Serêkanîyê seba vîyarnayişa ardiman qefelnay, Berên Kahnîya û Oncupinarê seba tîcareta sînorê akerdêyê, Tirkîya vîyarnayişa El-Nusrayî veng xo nêkena, la vîyarnayişa PYDî ra astengê vejnena. Tirkîyayî de tena kampan de 200 hezar kesîy manenêy û 600 hezar kesîy zî serxo şaristanan de cuyenêy, hewna taybetê kampan de tena erebîy manenêy, kurd û elewîyan ra kampan de ca nînodayişî. Kampan de dewlete bextwaştoxan ra qet ardiman nêkeno."
Turkdogan rapor de aşkera kerd ke çareserîya no rewşî tena Tirkîya nika ra pey ardim çeteyan ra nêko û wina domna: "Tirkîya bi taybetê PYDî tekîlî rona."
(aw)
