Endamên Cepheya Halki ra polêş hêriş kerd
STENBOL (DÎHA) - Taxa Gulsuyu û Gazîyê de peynîya operasyona polêsî de 32 kesîy ameybî binçimkerdiş.Hemverî no rewşî de zî Endamên Cepheya Halki waştêy verê dadgehî de çapemenîya aşkerayî bivirazêy, la polêsan înan ra hêriş kerdîy.
Polêsan bi timên taybetî de taxa Gulsuyu û Gazîya Stenbolî de nêzdî 60 hebîy adresî ra operasyon kerdîbîy û nêy operasyonan de zî Endamên ESP û Cepheya Halki ra 60 kesîy girewtêybî binçiman. Hemverê nêy operasyonan de zî Endamên Cepheya Halki waştêy verê Adlîyeya Stenbolî de çapemenîya aşkerayî bivirazê. La înan ra polêsan bi copan de hêriş kerdîy. Sifteyin Endamên Cepheya Halki waştêy verê adlîyeyî ra meş bikerey, la verê înan de polêsan barîkat ronay û Endamên Cepheya Halki zî waştêy barîkatan ra aver şîrê, la belê polêsan înan ra copan de gird hêriş kerdîy. Hemverê no rewşî de zî Endamên Cepheya Halki zî dest pê çalakîya roniştişî kerd. Dema çalakîya beşderwana dirûşmeyên 'Polêsên qetilî do hesap bidîy' û 'Hasan Ferît Gedîk bêmerg o' qîray.
Dema çalakîya bi nameyê Cepheya Halki Ridvan Aktaş qise kerd û vat ke no 1,5 serro ke dewlete bi hevparîya çeteyan de hêrişî taxa Gulsuyuyî kena û wina vat: "Dema nêy hêrişan de zî polêsên AKPî miyan de çinîbî. La belê çi çax ke Gedîk ame qetil kerdişî, 15 deqîqa ra pey polêsan îşligê Gedîkî tirenê. Hewna polêsên AKPî cenazeyî ra astengî vetîy û bi bombeyên gazî hêriş şoreşgeran kerdênê û înan saetên sersibayî de keyeyên înan ra girewtiynê. Îqtîdara faşîst AKP hem embazê ma Ferît qetil kerd û cenazeyê ey ra astengî vetîy."
Çalakîya roniştişî ra polêsan bi girdî de hêriş kerdîy û 5 kesîy zî girewtêy binçiman. Verê Adlîyeya Stenbolî de çalakîya Endamên Cepheya Halki hewna zî domyena.
(aw)
