AVMey raya sifteyo ke şî grevî
ENQERE (DÎHA) - Tarîxa Tirkîyayî de raya sifteyin o ke karkerên AVMî şîyê grevî. AVMa Leroy Merlîn dest karî ra veradayê. Ewro roja 7'in o ke têkoşîna xo danêy. Serekê pêroyinê Sendîka Sosyal-Îş ya ke bin banê DÎSKî de Metîn Ebeturk ard ziwan ke, lazimo ke pey perdeya AVMa firansizan gere bêro ewnîyayiş.
Karkerên AVMa raya sifteyino ke Tirkîyayî de şî grevî û dest karî ra verdayê û çalakîya xo ya 7 rojan hewna dewam kenêy. Karkerên Leroy Merlînn sektora xo de Ewropayî de rêza 2'yin, dinyayî de zî 4'in de ca gena. Serra 2010 de esasê xo Bursa de eşt Tirkîyayî. Maxaza xo ya 2'yin zî Enqereyî de akerdo. Kakerên ey bin banê DÎSKî de Sendîkaya Sosyal-Îş de xo qeyd kerdêy. Semedê ke şert û mercên daha weştirey de xebat bikerê ra 7 rojêy ke têkoşîna mafên xo danêy.
Serekê sendîkayî Metîn Ebeturk bal ant pey perdeya şîrketa Fransayî û ard vîr ke 6 aşmêy ravêrayo ke semedê peyama komkî ya karkeran destnîşan bikerê ra têkoşîn day ema encam nêgirotê ra mecbûr mendê ke bişêrê grevî û vat: "Ma peyameke 3 serran nîyaz kerd. Ema şîrketî waşt ke 1 serr tenê bibo û waşt ke 3 aşman pey peyamî ra wa, peyam betal bibo. Wazena ke karkerîy bê sendîka bibêy. Ma zî no qebûl nêkerd û ma şîy grevî."
(ad)
