Dewlet wazena Gulsuyu bi çeteyan vila bikera
KADRÎ OZKAN
STENBOL (DÎHA) - Nêy Rojên peynî de çeteyan zaf hûmarey de hêrişên Taxa Gulsuyuya Stenbolî kerdîy. La belê hetanî qetilkerdişê Hasan Ferît Gedîkî qet heqê çeteyan cipersayiş nêamebi akerdişî no rewş zî fikira merdîman ra projeya 'Bedilnayişa Dorûvera Şaristanan' ana. Mijarî ser de serekê Sazîya Weşkerdişa Gulsuyuyî Alî Şengul, vat ke peynîya nêy hêrişan de armanc, bi herîşa çeteyan û gird konseptî de vila kerdişa taxî yo.
Taxa Gulsuyuyî Stenbolî en weş manzarayî ra wayir o û no taxî de zî şarê kurd, elewî, polîtîkî cuyenîy. Bi taybetî nêy rojan de çeteyî bi zaneyî hêrişî taxijan kenîy. Hemverî nêy hêrişan de taxijan xo pawiyenêy û taxijîy dîyar kenêy ke bi taybetî peynîya projeya 'Bedilnayişa Dorûvera Şaristanan' nêy hêrişan dest pê kerdêy.
Hêriş domyena
Hêrişan sifteyin 2004'ê ra dest pê kerdo û hetanî kiştişa Hasan Gedîkî ra domyeyo. 2011'ê de Lingên Endamê Proleter Devrîmcî Duruşî (Vindertişa Şoreşgera Proleteryayî) Volkan Uyarî ra ame veradayiş. 15 tebaxe de BDPij bi nameyê Bahrî Înalkaç û Endamê Sazîya Ciwanên Sosyalîstî (SGD) Cebraîl Gunebakan lingên ey ra birîndar kerdîy. 25 tebaxe de zî Endamên ESPî û Nûçegîhana DÎHAî Oyku Dîlara Keskîn bi çekî ame birîndarkerdişî. 29 êlule de zî ciwan Hasan Ferît Gedîk ame qetilkerdişî. En peynî zî Vilakerdoxên Kowara Yuruyuşî Alî Ekber Durgun û Îlyas Argun raştê herîş û kutayişê lîncî ameyî.
Armanc vila kerdîş o
Heme hêrişan ser serekê Sazîya Weşkerdişê Gulsuyuyî Alî Şengul, dîyar kerd ke armanc ney taxî destên feqîran girewtiş û peynî zî teslîmê mafyayan kerdiş o û wina vat: "No taxî de dûrvera muxalîfî cuyenêy û miyanên xo de gird rêxistin bîyê. Devlete wazena bi destê çeteyan kontrovarî taxî vila bikero û no ser zî çeteyan de hevparî kena."
(ad)
