Kaykerdişa polêsan aşkera bî
MÊRSÎN (DÎHA) - Mersînî de dema verê qerakolî de yew gede nameyê ey D.O. kaykerdbî, la belê yew polîs ame û gede kutbî. No qewimyayiş ser zî cipersayiş amebî akerdiş. Qerakolî de wezîfedar polîsan bêdestûra dozgerî serxo zabitname hadre kerdîy û guya dema qewimyayişî de kamerayan nêşixulyaybî. Peynî wezîfedaran qerakolî de cipersayiş kerdêy û dîyî ke kabloyên kameran ameya xirap kerdişî.
Taxa Yenîpazara Akdenîza Mersînî de Baxçeya Qereqola Polîsa Sîteyan de yew gede, nameyê ey D. Ozer (8) xo ra kaykerdibî, la yew polêsê hêza çewîkî de wezîfedar ame û verê heme çimên taxijan de gede kutubî û miyanê de zî veradabî. Taxijan gede berdbî Nêweşxaneya Dewleta Mersînî no ca de doktoran gedeyî ra mudaxele kerdîbî û dîbî ke sareyê gede masayo, velkên ey zirar dîyî. Gede 7 roja ke gede nêweşxaneyî de rawketbî, la hewna zî rewşê ey weş nêbîyo. La no demî de mayê D.O.yê, Kamîle Ozerî ra amîrê polîsî vatbî ke: "Gerrekerdox meb û no kesî Homayî ra hewale biker, ma to ra mijarê pereyî de ardim bikerî." Peynîya no watiş Ozer Dozgerî ra gerra kerdbî û peynîya no gerrayî no polêsî ke gedeyê kutubî, wezîfeyî ra amebî girewtişî. Qewimyayişa ra 6 rojêy peynî qerakolî de wezîfedar polêsan serxo zabitname harda kerdîy û zabitnameyî xo de zî dîyar kerdêy ke verê qerakolî de yew heb kamera xirap bîyo û cayê qewimyayişî mojnayişa ser zî qerakolî de kamera çînyo. Hemverê no zabitnameyî de zî Serdozgerîya Komara Mersînî 18 êlule de dest pê cipersayiş kerd û qerakolî ra zî qeydên kamerayî waşt.
No ser zî 2 heb pisporê kamerayî şî qerakolî û cipersayiş kerdîy. Dema cipersayişî qeydên di kamerayî dest ser ronay û waştêy no qeydan temaşe bikerîy. La evnîya ke ser kamerayan de şîfre est o. Polêsan persay, la belê polêsan zî vatê ke guya şîfreya nêy kamerayan nêzonîy. Hewna dema cipersayişî de pisporan dîy ke kamerayên ke cayê qewimyayişî ont o, kabloyên nêy kamerayan bi qestî ameya xirap kerdişî.
(ad)
