Ceylan Onkol dewlet kişt!
STENBOL (DÎHA) - Sazîya Seba Aştî Ciwanan ra Hetkarî, Kuçeya Mîsa Papola Îstîklala Stenbolî de seba serrêgeraya 4'ê serraya qetilkerdişa Ceylan Onkolî ser vîrardiş viraşt.
Vîrardişî de ciwanan dirûşmeyên 'Ceylan dersa dewletî de ame kiştiş', 'Ez nêameynê kiştiş do ez dibistanî bişînî', 'Ceylana ma zerrê ma parçe parçe', 'Ceylan Onkol bêmergî yo', 'Qetilê Ceylanî TC yo' û 'Heta Licêyê ra Gezîyê ciwanan aştî wazenêy' qiray û wênêya Ceylanî ser yew firfirokî ra zeliqnayê û firfirokî firnayê. Hewna nameyên Ceylan Onkol, Ugur Kaymaz, Şerzan Kurt, Aydin Erdem, Mehmet Ayvalitaş, Abdullah Comert, Ethem Sarısuluk, Alî Îsmaîl Korkmaz, Medenî Yildirim û Ahmet Atakanî ciwanan bi berzî de qiray û vatê heme cuyenêy. Vîrardişî ra Hunermend Îlkay Akkaya, Denîz Ozgur û zaf hûmarî de kesêy beşdar bîy. Vîrardişî de Berpîrsîyarê Bernameyê Denîz Ozgur, qise kerd û vat ke doza Onkolî ser de 4 serr vîyart, la belê no dozî de qet averşîyîş nêbîy û wina vat: "Qetilî Ceylan, cinaware yew dewlet o. No dewlet, her tim ser şaran de polîtîkayên helênayişî şxiulna û hewna qirkerdişa Sêwazî de zaf hûmarî de gede ame qirkerdişî." Ozgur, dîyar kerd ke no dewlet Licêyî de Medenî Yildirim, Gezîyê de Aydin Erdem, Mehmet Ayvalitaş, Abdullah Comert, Ethem Sarısuluk, Alî Îsmaîl Korkmaz qirkerd û hesabê no qirkerdişa yew roj bêro perskerdişî. Vîrardiş peynîya deyrên Îlkay Akkayayî de qedya.
(ad/mae)
