Seba gazkerdişa engiştira 8 serr ceza waştêy
MÊRSÎN (DÎHA) - 1'ê Gulane de polêsan bi bombeyên gazê xo de Dîren Alp birîndar kerd bî. SDPijan zî Mersînî de seba şermezar kerdişê no rewş ser Papola Îstîklalê trafîkî ra qefelnay û hemverî no rewşê de zî Serdozgerîyê Komara Mersînî heqî 9 heb SDPij de îdianame hadre kerd û îdianameyê xo de zî heqî SDPijan de bi madeya 'Qanûnan ra eyqirê kombîyayiş organîze kerdiş û wezîfedarê dewletî ra heqeretî de' 52 serr cezaya zîndanî û heqî Dersîm Dînçerî de zî engiştireya karmendê polês R.S.Aî gazkerdişî ra 8 serr û 4 aşm cezaya zîndanê waşt.
Her roj ke şona Tirkîyayê de dozger û dadgeran sucî polêsan ya nimnenêy û ya da înan pawenêy. Eyni rewş nika dewaya ESPijan de yena dîyîş. Seba ke Endamê SDPî Dersîm Dînçer engiştereyê polês gaz kerdo, no ser heqî ey de 8 serr û 4 aşm ceza yena waştiş. Mijar ser Endamê Dersîm Dînçer, dîyar kerd ke sifteyin înan ra polêsan hêriş kerdêy û wina vat: "Dema çalakî de 3 heb polêsêy min ra hêriş kerdêy û waştê min bikişî. Ez bi qetî engiştereya kesî gaz nêkerda. Dozgeran wazenî no dewayî de polêsan bi pawî. Polês Şerzan Kurt kişt, la belê ey ra tena 8 serr cezaya zîndanî day, min zî heqê xo demokratîk şixulna, la min ra no ser 9 serr ceza wazenî. Nika qetilên Ethem Sarisuluk, Aydin Erdem, Alî Îsmaîl Kormazî teberî de geyrenêy."
(ad/mae)
