Hewna hêrişkaran pawitêy
KARDÎ OZKAN
BÛRSA (DÎHA) -7 gulane Zanîngeha Uludagî (UU) de koma nijadperestan hêrişê bi kardî de wendekarên kurd Fecrî Aydemîr, Firat Aktaş, Erhan Ertugrul, Mehmet Curan û Umut çelîkê ra hêriş kerdêy. La belê Îdareya Zanîngehî hêrişkaran nê, maxdûr wendekaran ra bêdelîlî de cezaya eştîşa zanîgehî da.
No seran serro ke bi taybetî zanîngahan de hêrişê ciwanên kurdî ra koma nijadperestan hêriş kenêy. La hemverê no hêrişan de zî Îdareyên Zanîngehan zî hêrişkaran nê, maxdûran cezayan birnenêy. Eynî no finak nika Zanîngeha Uludagî de yena şixulnayişê. Peynîya hêrişa nijadperestan ra pey polêsan hêrişkar Servet Karadagî bi îdiaya bi kardî de hêriş de girewtêy. La belê hewna zî no îdiayî ser îdareya Zîndanê heqî Servet Karadagî de biryara 'Elaqayî de qewimyayişî de çînyo' da û heqî maxdûr wendekarên kurdî de zî dûr vistişa zanîngehî da.
Nehêqî Kerdêy
Mijar ser wendekarê kurd Fecrî Aydemîr, vat ke ser înan koma nijadperestan hêriş kerdêy û dema hêrişî de zî ey bi kardî de birîndar kerdêy û wina vat: "Peynîya no hêrişî de zî miyanê koma nijadperestan de tena heqê Servet Karadagî Îdareya Zanîngehî cipersayiş akerd, la ey ra zî ceza nêday. Polesan zî zaptnameyê xo de zî dîyar kerdêy ke dema qewimyayişî de destê min de kard çînî bîyo. La Îdareya Zanîngehî zî bi keyfî ma sucdar kena."
Aydemîr, dîyar kerd ke bi taybetên çalakîyên wendekarên kurdî ra Îdareya Zîndanî tahammul nêkena û wina qedna: "Zanîngehî de pergala dîktatorî yena şixulnayiş û no ser ma nêeşkenêy yurdan bikewî. Zatî heme yurdan destê nijadperestan de yo. Her tim ma ra hêriş keno kerdiş û peynîya no hêrişan zî Îdareya Zanîngehî zî hêrişkaran pawena.
(ad/mae)
