'Gerra meker tena Homayî ra hewale biker'
DENÎZ TEKÎN
MÊRSÎN (DÎHA) - Taxa Yenîpazara qezaya Akdenîza Mersînî de Baxçeya Qereqola Polîsa Sîteyan de yew gede, nameyê ey D. Ozer (8) xo ra kaykerdinê, la yew polêsê hêza çewîkî verê heme çimên taxijan de kut û miyanê de verada. Taxijan gede berdî Nêweşxaneya Dewleta Mersînî no ca de doktoran gedeyî ra mudaxele kerdî û dî ke sareyê gede masayo, velkên ey zirar dîyî. No 7 roja ke gede nêweşxaneyî de rawkeno, la hewna zî rewşê ey weş nêbîyo.
Mijar ser Maya D. Ozerî, Kamîle Ozer qise kerd û vat ke dema ke qewimyayiş bîyo, ay keye de bîyo, cîranan ey ra veng dayê û vatê: "Bires! Polêsan gedeya to kiştî." ay zî no ser vazdaya û wina vat: "Polêsan gedeyê min berdî qereqolî, min zî verê qereqolî de gedeyê min polêsan ra pers kerd û zereyê polêsan ra yew polês min ra vat: 'gedeyê to ez kuta, ti bi qetî gedeyê xo terbîya nêkerda, çimkî gedeyê to min ra hêriş kerd.' Ez zî bi lezî şî zereyê qereqolî û min dî ke cilên gedeyê min vejnayî û sere ey seba ke masnayan dîyar nêbo, awe serd, ey ser rişnaynî. Min waşt gedeyê xo destê înan ra biga, la gedeyê min, min ra nêdayî. Peynî gede, sere xo erşawtitê keyeyî. Çi çax ke gede min keye, bera keyeyî de xo ra şî. Min zî ey bi lezî berd Ocaga weşîyî, no ca de zî doktor min ra vat: 'Gedeyê to kiştê, gedeyê xo ber hera yew nêweşxaneyî.' No ser ez zî gedeyî xo berd Nêweşxaneya Dewleta Mersînî"
Ozer dîyar kerd ke polêsan nêweşxaneyî ameyî û ay ra vatê: "Gerrekerdox meb û no kesî Homayî ra hewale biker, ma to ra mijarê pereyî de ardim bikerî."
Hewna Pîyê D. Ozerî, Abdulkadîr Ozer dest nîşan kerd ke polêsan seba ke ey, polêsî ra gerrekerdox nêbo, her tim qereqolî ra ameyî û wina domna: "Ez mijar ser şî qereqolî û komîserî ra vat ke şima senî gedeyê min kuwenî û ey min ra vat; xeberê min çînyo. Peynî ma pîya kamerayî ra evnîyayî û rengê komîserî bedilya. Mijar ser Mudirîya Ewlehîya Mersînî ra 3 heb mufettîş ameyî û min ra vatê; ma qewimyayiş ser çi ganî bikero se, ma bikerî. Senî 8 serra yew gedeyê no rewşî de kuwenî."
(ad/mae)
