Çukurova Atakanî rê paya ser de yo
NAVENDA NÛÇEYAN (DÎHA) - Ahmet Atakan Hatay de bombeya gaza polêsan gina sereyê ey ra cuyayişê xo vinî kerd. Çend rojêy ke bi ruyê Gezîyî semedê Atakanî zaf cayên Tirkîyayî de berxodanîy estêy. Edene, Mersîn û Hatay de zî şar şîdet û kerdişen hovane yê polêsan ra xo erzenê teber û protestoyên xo kenêy. Çukurovayî de zaf kesîy birîndar bîy. Mersînî de 8 kesîy amey binçimkerdiş.
Şar Edeneyî de semedê qetilkarên Atakanî nalet bikerê ra Parka Ataturkî ya Edeneyî de amey pêhet. Polêsan park girot ablukaya xo. Welatijan zî form viraştê. Formî ra pey biryara çalakî vejya. Polêsan herêmên ke ereb û elewîy zêdbîy qeza Seyhan û taxên Akkapi û Havuzbahçe de barîkatên xo daha zî zêd kerdbîy.
Mersîn de saetên şewî de Bulvara Gazî Mustafa Kemal de endamên Keyên Şarî, qetilkerdişê Atakanî protesto bikerê ra waştîy ke meşeke bivirazê. Şar ame têhet û meşîya. Polêsan zî barîkat rona û kontroal GBTî kerd. No kontora polêsan ra şar çalakîya roniştişî kerd. Şar barîkata polêsan bi ney hawayî çirna ema polêsên bîn bi awa şîd, bi bombeyên gazan herîşê komî kerdîy. Encama herîşa polêsan de 8 kesan girotîy binçiman.
Ahmet Atakan Hatay de cuyayişê xo vinî kerd. Hatayijîy 2 rojên ke payan ser de yê. Şar her qîrayişê xo de ano ziwna ke qetilkarên Gezî û Atakanî wa bêrê vînayiş û cezakedişî, wazenê. Semedê qetilkarên Atakanî bêro cezakerdiş û şîdeta polêsan bêro vindertiş û hukûmat waşteyên şarên Tikrîyayî bîaro ca ra, welatijîy Stenbolî de vejîyaybîy qadan, kuçeyan û paporan. Kadikoy de meşeke semedê Atakanî amebi viraştişî. Encamî de polêsan tîya de zî hêrîşê girseyî kerd bi û 35 kesan girot bi binçiman. 22 kesan serbest vera day. 13 kesan zî kontrola weşey ra day ravêrayişî. 35 kesên ke ameybî girotiş ra 22 azad kerdîy.
(ad/mae)
