'Ma Rojhilatê Miyanî de aştî wazenêy'
AMED (DÎHA) - Amedî Wara Îstasyonî de bi şîara 'Ma bi coşê Newrozê de aştî ra meşkenêy û ma şoreşa Rojawanî zî silam kenêy' de Roja Aştîya Dinyaya 1'ê Êlule ame pîrozkerdişî.
Mîtîngî ra nêzde 50 hezar welatij bi coşeke gird û bi cilên kewnaşoîya xo de beşdarê mîtîngî bîy. Mîtîngî de Hevsereka BDPî Gultan Kişanak qise kerd û vat ke nika ardnîgarîya mislimanan de şer û merdiş est o û wina vat: "Ma zazanê ke Îslamîyet dînê biratê û aştî pawiyena û no ser ganî kam nameyê Îslamîyetî qise keno se, sifteyin aştî bi pawo. Tirkîya polîtîkaya ke Rojhîlatê Miyanî de şixulnena û no polîtîka îflas kerdo û eger Sûrîyeyê ra yew hêriş bibo se, peynîya no hêrişî de zaf kesîy bimoro û vebalê no merdişan zî milê AKPî de bibo. AKP ganî polîtîkayên biratê û aştî ardnîgarî de bişixulno."
Çekên kîmyewî nalet kerd
Kişanak bal ont ser Sûrîyeyê de şixulnayişa çekên kîmyewî ser û nînan ard ziwan: "Ez no rewşî nalet kena. Ma Halepçeyî de qirkerdiş dîy û no ser ma zananêy qirkerdiş senî beno. La belê hêrişa lejkerê çareser nîyo. Nika şarê kurd Rojawanî de şoreşa ke zaf gird cuyena. Ez aşkera vana ke eger Şoreşa Rojawanî qezenc bikero se, do Amed, Mahabad û Hewler qezenc bikero. Kişanak aşkera kerd ke ravêreyeyê ra şarê kurd wayir vejyena û wina vat: "Şarê kurd Rojhîlatê Miyanî de aştî wazena. Ma her tim ziwane makî xo ra wayir bivejê û hetanî bîyîşa Kurdistana Xoserîya Komarê Demokratîkî ra ma têkoşîn bidêy."
Peynî zî bi dirûşemeya 'Biciwiyî xoverdayişa YPG' de Hevsereka PYDî Aysa Abdullah qise kerd û vat ke eger demokrasî Rojhilatê Miyanî ra bêro se, no aştî encax bi şarên Rojhîlatê Miyanî do bêro. Hewna mîtîngî de Hevsereka KCDî Aysel Tugluk qise kerd û ay zî vat ke ganî Rayverê Şarê Kurd Abdullah Ocalan bi temsîlkarên STK û KCDî de pêvînayiş bikero û wina vat: "Hewna ganî Îmralê çapemenî ra bêro akerdişê û birêz Ocalan bi Rayverên KCKî bi rehetî pêvînayiş bikero û hewna seba averşîyîşa ravêreyeyê ser sazîya sekreterîya birêz Ocalanî bêro ronayiş."
MERSÎN
Mersînî de zî bi şîara 'Ma bi coşê Newrozê de aştî ra meşîyenêy û Ma Şoreşa Rojawanî zî silam kenêy' de Roja Aştîya Dinyaya 1'ê Êlule ame pîrozkerdişî. Mîtîngî ra bi deshezaran kesîy beşdar bîy.
Hedraya şer kena mîtîngî de Wekîlê BDPa Çewlîgî Îdrîs Baluken qise kerd û vat ke ravêreyeyê ke Rayverê Şarê Kurd Abdullah Ocalan dest pê kerdo, no ravêreyeyê ra şarê kurd wayir vejyeno, la belê no ravêreyeyê de hukûmat qet gamên şenber nêerzeno û wina vat: "Vengê aştîyî ra AKP tersena û hemverî no tersnayişî de Kurdistan û Tirkîyayî de bi sey hezaran kesêy aştî û biratêy qiranêy. Rayverê Şarê Kurd Abdullah Ocalan heme şarê Rojhîlatê Miyanî ra seba aştîyê veng da, hemverî vengê de zî Têgêrayişê Kurdî destê xo de heme lejkeran verada û hemverî no gaman de zî hukûmat şona Amed, Çewlîg, Dêrsim û Geverî de qeraqolan virazena û hûmarîya cerdewanan zî zaf kena. No zî mojnana ke AKP hadreya şerî kena." Baluken bal ont ser Meka Qanûna û nînan ard ziwan: "Hewna qanûna TMK yeno pawiyayişê, sere ziwane makî de qedexeyan bêro wedarnayişê. Mehkûmên Sîyasî bêrêy serbest weradayişê."
(mae)
