Hedrebîyayîşê Mîtîngê 1ê îlone
AMED (DÎHA) - Hedrebîyayîşê mitîngê 1ê Îlone dewam kenê, endamê Komîteya hedrekar eleqe ontî muhîmîya 1ê Îlone ser. Komîteya Hedrekar semedê "Pêvajoyê Çareseriya demokratîk" û hetkarîya "Şorişê Rojawan" veng da welatîyan ke bi ruhê Newroze qadan bikerî de.
1ê Îlone roja ke hêzê Hîtler Polonya îşqal kerd, Diyîn Şerê Dinya destpê kerd û bi milyonan merdimî heyatê xo vînî kerdibî. Semedo ke tabloya ke şer de vejya orte wa nêro virkerdiş a roje sey Roja Aştî ya dinya pîroz bî. Roja 1'ê Îlone 74 serre ra nata pîroz bena. bêguman semedê şarê ke vejyayenê meydanan û aştî wazenî na roje muhîm a. kurdî zî bi serrano ke vejyenê meudanan û her tim 1'ê îlone zî pîroz kenê.
Şarê kurd 1'ê Îlona 2013 zî mîyanê nîqaşanê "Pêvajoya çareseriya demokratîk" de vîyarnenî. Hêna mîyanê nê nîqaşan de 1'ê îlone de Amed de mîtîngê herêmî vîrazîyeno. No mitîng do pê sloganê "pê ruhê Newroze ma ver bi aştiyêka bi rûmet bişi, ma şorişê Rojava silam kenê" bêro viraşt.
Endamê komîteya hedrekar ajansa xeberan a dîcle ra qisey kerdî û îzeh kerdî ke xebata hedrekerdiş lez bi lez dewam kena. Hêna komîteya hedrekarî qiseykerdişê xo de veng dayê her kesî û vatî: " ma veng danê her kesî ke wa pê ruhê Newroze beşdarê Mitîngê 1ê îlone bibî." Mitîngê 1ê Îlona ke roja Yewşeme meydanê Îstasyonî de do bêro viraştiş saet 4 de dest pê keno. Yeno pawitiş ke sîyasetkar, Ronşvîr, hunermendî û sehezaran kesî beşdarê mîtîngê bibî.
Kurdî-der a Amedêî zî semedê vengdayîşê 1ê îlone, hetkarîya Rojava û seemdê wayîrvejyayîşê ziwanê Kurdî verê merkezê Kurdî-der de beyenatêk da çapemenî. Kurdî der a Amedê seemdo ke wa hûkûmet semedê çaresîrî game bierzo û semedo ke wa hukmatê AKP waştişanê kurdan bîayro ca heme şarê Amedî dewetê mîtîngê 1'ê îlone kerd.Beyenat hetê sekreterê pêroyî yê Kurdî-derî, îbrahîm halîltaş ra ame wendiş. Halîltaş qiseykerdişê xo de vat: "ziwanê devlete ziwanê aşitî nîyo. ziwanê şer û pêrodayîş o. No zî bawerîya şarê kurd kêm keno. Lazimo hukmat semedê çaresî game bierzo".
(eş/mae)
