Cınîyan ra rojawan ra hetkarî
ŞIRNEX (DÎHA) - Bi organîzatorîya DOKH û BDP de hezaran cinî semedo ke hetkarî bidî şarê Rojawan Sîlopî ra heta sînor rayîr ra şîy. Cinîyê ke hetê DOKHî ra organîze bibî semedo ke komkiştişê Rojawan şermezar bikerî û hetkarî bidî "Şorişê Rojawan" Sînorê Qamişlo û Nisêbîn ser de şewa bîn nobet girotî û pê beyanatêk çalakîyê xo qedînayê.
Têwgêra cînîyê Azad û Demokratîk û Meclisa cînîyê BDP semedo ke hetkarî bidî şarê Rojava Sîlopî ra heta dewa Rihanî rayşîyayîşêk viraşt. Rayşîyayîş ra dima cînî û ciwanê ke hetkarî dayê înan heta serê siba sloganî eştî û nobet girotî. Cînî ke sînor ser de nobet girotî şefeqê serê siba de nobeta xo qedîna. Hezaran cînî ke Mêrdîn û qezayanê ey vejyayê rayîr zî na wesîle ra sînorê Qamişlo û Nisêbîn ser nobet girotî.nobete de fîşekê hewayî ameyê teqnayîş, govend ame kaykerdiş û pê def deyrî ameyê vatiş. Têwgêra cînîyê Azad û Demokratîk vîzîr zî Mêrsîn de pê beşdarîya seyan cînîyan rayşîyayîş ra dima beyanat dabî û hêrîşê ke şarê Rojava ser virazîyenî protesto kerdibî.
(eş/mae)
