Hedrebîyayîşê festîvelê Kato dest pê kerd
COLEMÊRG (DÎHA) - Hedrebîyayîşê Festîvalê kultir û Hunerî yê Kato ke nabênê 31 û 1'ê Îlone de koyê virazîyeno dewam keno. Saziyê sivîl û zaf rêxistinê demokratîk zî hetkarî donî Festîval.
Wexto ke serekê PKK Abdullah Ocalan pêvajoyê çareserîya demokratîk da dest pêkerdiş û herême de şer vindert, dewijê herême zî verê xo dayê wareyanê xo.
Naye ser şarê Colemêrgî zî hedrebîyayîşê festîvalê kultir û hunerê yê Kato ke do nabênê 31 Tebaxe û 1ê Îlone de bivarazîyo kenê.
Festîval do organîzatorîya Komeleya Çîyayê Cilo ya Colemêrgî, BDP û zaf sazgehê sîvîlan ra bivirazîyo.Festîvalî ra ver Serekê Komeleya Çîyayê Cilo yê Colemêrgî Halît Soydan Wareyê Çelecengî de cigêrayîş kerd û îzeh kerd ke no ware semedê herême zaf muhîm o û va; " Ma do no festîvalî de waştişê aştî, demokrasî û biratî bîyare ziwan û govendê aştî kay bikerî. "
Soydanî îzeh kerd ke ê semedê beşdarîyêka heybet nê xebatan kenî û va: "Wexto ke serekê PKK Abdullah Ocalan newroza 21ê Adare de beyanat da ma zî waşt gorê ruhê beyanatî pê beşdarîya şarê Colemêrgî semedo ke waştişê xo yê aştî biarê ziwan wareyê Çelecengî de festîvalêk biviraze. Do zaf sîyasetkar, nuştox û ronşvîrî zî beşdarê festîvalê ma bibî. " Soydanî peynîya qiseykerdişê xo de veng da heme kesan û va: lazimo şarê ma pê ruhê Newroze beşdarê festîvaî bibo.
(eş/mae)
