Qezayan karêy de Tirkîya Dinya de yewîn o
HAMDULLAH KESEN
EDENE (DÎHA) - Endama lijneya rayîrbereya Komeleya Karkerên Sanayîya Edeneyî Zuhal Subaşi seba qezaya karên ke Tirkîyayê de ser qise kerd û vat ke qezay karkerdişî yên ke Tirkîyayî de benêy, diniyayî de 3, Ewropayî de zî rêza sifteyine de yeno û wina vat: "Patronîy weşeya karkeran ze mesref vînenê ra, qezay hîna zî zaf benêy û bi ney hawayî zî azadîya karkeran teng kenêy û benê semedê qetilê karkeran."
Meclîsa Ewleheya Kar û Weşeya Karkerên Stenbolî bîlançoya xo a aşma temmûze eşkera kerd û raporê de ason bike 8 gedey, bi temamî 120 karkerîy semedên ke ewleheya karî nîyameyo girotiş ra cuyayişên xo vînî kerdîy. Herî zaf zî bi 41 kesan TOKÎ rêza sifteyine geno. 120 kesan ra 113 kesîy mêrde, 7 kesîy cenek êy û nînan ra zî 8 kesîy zî gedey karker bîy.
Endamê lijneya rayîrbereya Komeleya Karkerên Sasnayîya Edeneyî Zuhal Subaşî dîyar kerd ke karkerîy di warê weşeya xo de zaf probleman cuyenê, nêy probelemîy zî erzena patronan ser û nînan ard ziwan: "Kar çî beno se wa bibo dema ke qezayeke beno o mijara ma yo û beno qezaya karî û problema ma hemeyan a. Demedê qezayan; taşarontî, fason xebityayiş, zaf saetan xebityayiş, maaşa tayn, demeke kilmî de zaf karkerdiş, karê giran, zaf waştiş û şert û mercên bêewleheyî de xebityayiş rayîra karkerdişî de qetilkerdişan vejenêy meydanî. No tewr karkerdiş ruhê temsîlkarên AKPî de no tewr karkerdiş esto. Merdişan ze 'qeder' vînenê û bi name kenêy. Raşteyî de hinî nîyo. Patronîy weşeya karkeran ra mesrefkerdişî ze çîyeke veng û mesrefeke girna vînenê yo. Hetê bînî ra zî ney mijarî de kontrolkerdiş zî himakî çîno. Bêrêxistinbîyişê karkeran zî beno semedê ke qetilkerdişê karkeran bi hawayê felqeyê zincîrî pey ra pey yenêy."
(aw)
