Endamkerdişa AKPî de skandalî
HAYRÎ DEMÎR
STENBOL/AMED (DÎHA) - Qezaya Amedî Licêyî de vejîya ke aseno ke serra 2008'ê hetanî nika AKP bi sextakarî Maşallah Ozbahçivan kerdo endamê xo. Mijarî ser de Ozbahçivan vat ke, Licêyî de AKP zaf kesan bi sextakarî kerda endamê xo û wina vat: "AKP no sextakarî ya xo, methê xo dana."
Tirkîyayî de her roj şina ke hukûmata AKP yew skandalî ra destnîşan / îmze erzena. AKP bêxeberî merdiman, merdiman keda endamê xo û miyanî înan de bi îdiaya 'endamên rêxistinî' ra rojnameger, endamên meslîsî ke yenê daraznayişi mamastey est êy. AKP bi humara 7 mîlyon û 554 hezar kesan endamê xo de xo metîh kena, feqet vejîya meydan ke zafêreya nêy endaman bi sextekarîyê kerd3e endamê xo. No skandalî ra yew finak zî Licêyî de vejîya medanî. Maşallah Ozbahçivan skandalî ser, înternetî ser de rûpela Cipersayişa Endamên Partîya Sîyasê Seredozgerêya Komarî Dadgeha Girdî de ciperseyeno û mojneyeno ke endamê Aktîfê Dema 2008/2 Teşkîlata AKPeya Licê yo.
Mijar ser Ozbahçivan vat ke, no rewş rîyê AKPî sîya kerdo û wina vat: "Dema 'vila kerdişê ardiman' Mudirîya Hetkarî û Ardimkarîya Civatî de ez bawera min endamê AKPî kerdê. AKP no rêbazî de agahîya welatijan ra bi rehetî resena û peynî zî endamê xo kena. Karkerên sazîyî ma ra vatênê ke; fotokopîya nasnameyên xo bîyarê ma, şima rê ardim bidê. Peynî zî ma endamê AKPî kerdê. Mijar qet AKPijan de pêvînayiş nêkerda û heqî geyrayişa xo ser ganî her cayê ra ez do sere bidî."
Ozbahçivan bal ont ser Licêyî de rayê AKP ra û nînan ard ziwan: "AKP weçînayişa peroyin de Licêyî de 889 ray girewta feqet, ma ra mojeno ke endamê AKP Licêyî de 1300 ra zafêr êy û no mijar zî ma ra mojna ke AKPijan şarî bi sextekarî rey de kerda endamê AKPî. Ez peynîya endamê kerdişa AKPî ra pey şîyo zanîngehî û zanîngehî de heqî min de bi îdiaya 'propagandaya rêxistinî' ra heqî min de cezaya 6 aşman zanîngehî ra dûr kewtişî dayê."
Ozbahçivan hewna dîyar kerd ke, AKP hetanî nika her tim şarê kurd bi veyşanî de waşta terbîye bikera û wina donma: "Îdarerekerên AKPî sere xo se lenûska veresîyeyî ma endamê AKPî kenê û peynî zî vejîyeno no sextekarîyênê û methê sextekareya xo kenê. No mijarî de maxdûran yew zî verîn Mudirê Veşana Rojnameya ma Ozan Kilinç o. Kilinç serra 2009 zîndanî de bi feqet AKPijan ey zî bêxeber kerdo endamê xo. Kilinç zîndanî ra vejîyeno û ey o zî xeberên endamtîyê ser Cipersayişa Endamên Partîya Sîyasîyê Seredozgerêya Komarî Dadgeha Girdî de ciperseyeno û vîneno ke endamê AKPî yo. Peynî dewa akeno û dewa qezenç keno. Kilinç mijarî ser vat ke, AKP her tim no polîtîkayan ser şarê kurdî şixulnena û wina vat: "Ez zîndanî de bi feqet min bêxeber endamê xo kerdî. No mijar nîno qebûl kerdişî."
STENBOL
AKP bi sexteraî şarî ra tikeyan kerd bi endamên xo û nika vejîya meydan ke CHPî zî welatijên xo bêxeber kerdo endamê xo. Mijarî ser de Îdarekerê BDPî Hîcran Urun vat ke a zî xeberên ser înternetî ser de rûpela Cipersayişa Endamên Partîya Sîyasê Seredozgerêya Komarî Dadgeha Girdî de cipersayo û mojneno ke endamek aktîf ya dema 2011/2 Teşkîlata CHPa Uskudarî yo û wina vat: "Ez Uskudarî de ronênişeni, bi destûrîya YSKî de ez bîya îdarekera BDPî û no mijar skandal o."
(ad)
