33 roşnîvîr Gazî de vîardîy
STENBOL(DÎHA) - 33 roşnîvîr Sêwazî de amebîy qirkerdişî ra, Taxa Gazî de bi meşekê roşnîvîran vîrardîy. Meşê de peyama, 'Roşnîya Sêwazê nêtefîyayo' dayê.
Platforma Hetkarîdayişê Gazî 33 roşnîvîr ke 2'ê Tîrmeha 1993 de Otela Madimakî de ame bi qetilkerdişî, înan vîrardîy. Keyê Cema Taxa Gazî ra hetanî Parka Gazî meş kerdîy. Bi seyan kesîy beşdarê meşî bîy û meş de wêneyên 33 roşnîvîran veraznay û bêmiyan dirûşmên 'Roşnîya Sêwazî nêtêfîyayo', 'Gazî hetkareyî Licê ra dana ', 'Şehîdên şoreşî nêmirenî' qîray.
Endama Rayverîyê ya Kongreya Demokratîka Şaran Hatîce Altinişik qise û diyar kerd ke, no 20 serrên ke berpirsîyarên qirkerdişî nêameyî cezakerdişî û wina vat: "Se ke sewbîn qirkerdişan de dewlete qetilan serbest verada û komkujiya Sêwazî de zî qetilîy nêamey cezakeridşî. No semedî ra zî, qirkerdişî de gişta dewletê est bi."
DÊRSIM, SÊWAZ, ROBOSKÊ Û LICÊ
Altinişik bertek nîşanê qereqolên ke herêman de yenê viraştişî da û nînan ard ziwan: "Îqtîdara AKPî Kurdistanî de bi viraştişên Kalekolan de ravêreyeyî miyanî ra veraznena. Dêrsimê de navendên dînî binê awe de veradana. Hukûmat seba aştîya civatî bi komkiştişên sey Dêrsim, Sêwaz, Roboskê û Licêyî de bêro rîbirîyê. Şima mecbûrê waştişa şarê biyarê ca. Çimkî şarê kurd do aştî bîyaro."
Meşî de Halîl Îbrahîm Şeker aşkerayî wend û aşkera kerd ke, Sêwazî de çi kerdêy se, nika zî heman çikî Licêyî de virazenî.
Merasîma vîrardişî bi goşdarnayişê mûzîkî û şanoyî domyeno.
(ad)
