Helbijarteya Kurdistanê di Sipora VIVA'yê de nasnava pileya yekemîn wergirt
SERBAZ SIYAMEND
HEWLÊR(DÎHA) - Helbijarteya Kurdistanê di Sipora Palewaniyetiya Herêman (VIVA) yê de bi 2-1 golan bi ser Tîma Qibrisê ket û nasnava yekemîna palewameniytiya 'VIVA'ê bi dest xist.
Di 4'ê Pûşperê de 5'mîn Palewaniyetiya Herêman (VIVA) yê dest pêkir û 3 rojan berdewam kir. Lîstika sipora 'VIVA'yê her şev li qada lîstikê ya Şehîd Firenso Herîrî li bajara Hewlêrê ya Herêma Kurdiatanê pêk hat. 9 helbijarteyên siporê ji herêmên cûda beşdarî siporê bûn. Helbijarteya Kurdistan 2 lîstik lîst û qonaxa dawiyê ya palewaniyetê qecanc kir. Helbijarteya Kurdistanê û Helbijarteya Qiprisê gehiştin qonaxa dawiya siporê. Herî dawî şeva borî di sipora Palewaniyetiya 'VIVA' yê de Helbijarteya Kurdistanê bi 2 - 1 golan biser helbijarteya Tîma Qibrisê ket. Bi vê awayî Helbijarteya Kurdistanê nasnava yekemîna di 5'emîn palewameniytiya 'VIVA'ê bi dest ve anî.
Ev cara yekemîne ku Helbijarteya Kurdistanê di Palewaniyetiya Herêman (VIVA) de pileya yekemîn bi dest dixe.
(ssq/mae)
