Meclîsa Jinê ya KESK'ê: Em dev ji destkeftiyên xwe bernadin 


2016-10-23 14:09:28

ENQERE  (DÎHA) -  Meclîsa Jinê ya KESK'ê daxuyand ku ew ê li dijî êrîşên sîstematîk ên dijminimatiya jinan dev ji destkeftiyên xwe berdedin têkoşîna azadî û wekheviyê ya jinê xurtir bikin. 

Meclîsa Jinê ya Konferederasyona Sendîkayên Kedkarên Cemaweriyê (KESK)  li dijî êrîşên ku destkeftiyên jinan hedef digire peyama "Em xwedî li beden û nasnameya xwe derdikevin" dan û li ber Navenda Giştî ya Egîtîm Sen'ê daxuyanî dan.  Jinan pankarta "Em dev ji kar, pêşeroj û destkeftiyên xwe bernadin" vekirin û dirûşmên "Bijî piştevaniya jinan" "Ne darbe ne OHAL, demokrasî niha" berz kirin. 

'Ji bo rejîma yek zilam welat ber bi tarîtiyê ve dibin'

Li ser navê jinan Sekretera Jinê ya KESK'ê Gulîstan Atasoy  axivî û diyar kir ku Qesr û AKP darbeyê wekî "lutfa xwedê" nirxand û wiha berdewam kir: "Bi hemû pêkanînên nehiqûqî ve li hundir û derve polîtîkayê şer tê kurkirin û ji bo rejîma yek zilam bixin jiyanê welat ber bi kaos û tarîtiyê ve dibin."

Atasoy anî ziman ku AKP hemû kesên ku wekî wan nafikirin dike hedef û  hêzên ked, demokrasî û aştiyê dijmin tên îlankirin û wiha berdewam kir: "Di pêvajoya ku tê xwestin faşîzm bi cih bibê de em Meclîsa Jinê ya KESK'ê pêk tînin." Atasoy anî ziman ku di bin navê têkoşîna li dijî darbekaran de hemû raya giştî tê tasfiyekirin.

Atasoy da zanîn ku zêdetirî 200 endamên KESK'ê hatine îxrackirin bi hezaran jî ji kar hatine durxistin, bi binçavkirin û girtinan ve jî tê xwestin wan bêzar bikin. Atasoy anî ziman ku AKP wekî îxtidarekî dijminê jinan e derbasî dîrokê bûye. 

(sa)