Catalina Diaz: Ji bo aştiyê çavê sêyemîn şert e

2016-10-19 11:01:46

YASÎN KOBULAN/MESUT KAYNAR 

STENBOL (DÎHA) - Cataliana Diaz  a ku bi nasnameya xwe ya jinê ve tevlî muzakereyên aştiyê yê di navbera hikûmeta Kolombiyayê û FARC'ê bû di pêvajoya muzakereyan de bal kişand li ser bi biryaribûna îradeya siyasî û aliyê sêyan. Diaz  diyar kir ku di referandumê de encama "na" ya ku derketiye nayê wateya şer. 

Dîrektora Beşa Edaletê ya Derbasbûnê ya Wezareta Dadê ya Kolombiyayê Catalina Diaz cihgirtina xwe ya bi nasnameya jinê di pêvajoya muzakereyan a ku di navbera FARC û hikûmeta Kolombiyayê pek hat de ji ajansa me re axivî.

Diaz  a nirxandina "weke jinekî di pêvajoya aştiyê ya Kolombiyayê de cih girtin hesteke pir xweş û derfetek bû" kir wiha axivî: "Heke sûdeke min a biçûk jî pêk hatibe vê gelek min kêfxweş kiriye. Ji bo ku em pêvajoya şer a ku 50 salan zêdetir berdewam kir  bi dawî bikin bi komunistan, gerîlayan, marksîstan û komên rastgir ên din re  hevdîtin pêk anî. Vî Pêvajoyê bi salan heta bi dehan salan berdewam kir.  Heta dawî me israr kir, civaka sivîl jî bi mere hevkarî kir. Me ferq kir ku divê em bi taybetî artêşê jî beşdarî hevdîtinan bikin. M ji hevdîtinên berê encam derxist.  Mirovên ku rola wan girîng e jî beşdarî hevdîtinan kir. Ji bo ku em xwe bigihînin beşên cuda yên civakê gelek derûdor me girt nava vî karî."

Ji bo aştiyê îradeya siyasî şert e

Diaz bilêv kir ku kesên ku dixwazin pêvajoya aştiyê bidin destpêkirin divê xwedî îradeya siyasî bin û wiha axivî: "Di esasê xwe de ev di encama îradeya siyasî de tê. Lê divê ev îrade bê afirandin. Hin mirov dîrokê baş dixwînin û fêm dikin ku siyaset ji bo van karan çareser bike riya herî baş e."

Di pêvajoyên aştiyê de aktorên navneteweyî girîng e

Diaz ji bo hin hevdîtinan bal kişand li ser çavê sêyemîn û wiha got: "Divê aktorên navneteweyî jî di nava kar de bin. Rêxistinên civakî yên sivîl, partiyên cuda dikarin rol bilîzin. Hûn dizanin îrdaye siyasî li ciheke dernaketev ev bi di encama danûstendina fikr û bikaranîna dînamîkên civakê dikane derkeve holê.

Encama referandumê nayê wateya şer 

Diaz encama referanduma li Kolombiyayê jî şîrove kir û wiha axivî: "Bi salan şer hate kirin û gelek kes hatin windakirin an jî surgunkirin. Lê li gorî min ev kes ji bo bidawîkirina şer fersendek bû." Diaz anî ziman ku di encama referandumê de derketina "na" nayê wateya ku careke din vegera şer dê bibe, agirbest dê bidome.


(sa)