Li 3 navendan qeyûm hat şermezarkirin 

2016-10-17 14:42:44

NAVENDA NÛÇEYAN (DÎHA) - Tayînkirina qeyûman li şaredariyên DBP'î û operasyonên qirkirinên siyasî, li Êlih, Amed û Dersimê hat şermezarkirin. 

Li Êlihê Kongreya Jinên Azad (KJA), DBP û HDP û xebatkarên şaredariyê çalakiya 3'yemîn a "Dest nede îradeya min" a ji bo şermezarkirina qeyûman dane destpêkirin pêk anîn. Daxuyanî li cadeya Gulîstanê hat dayîn  û Hevserokê DBP'ê yê Êlihê Abdulbarî Karaagaç, Hevşaredarê Êlihê Sabrî Ozdemîr ê ji kar hat durxistin, Hevşaredara Kercewsê Zeynep Oduncu ya ji kar hatiye durxistin, BErdevka KJA'yê Songum Korkmaz û gelek welatî beşdar bûn. Di daxuyaniyê de pankarta "DEst nede îradeya min" hat vekirin.

Berdevka KJA Oduncu  daxuyanî xwend û diyar kir ku qeyûm parçeyekî rejîma sûc a mêtinger e û wiha berdewam kir: "Em dibêjin ku li dijî hovîtiya faşîst a peyî, êrîşa hiqûqî û nexlaqî heta dawî  li ber xwe bidin, qebûl nakin, têkoşîna xwe bidomînin."

Xebatkarên Şaredariya Peyasê çalakî li dar xistin 

Xebatkarên Şaredariya Peyasê ya Amedê jî ji bo şermezarkirina qeyûman li ber şaredariyê çalakî li dar xistin.  Hevşaredarên Peyasê Mehmet Alî Aydin û Fatma Arşîmed, endamên Meclîsa Şaredariya Peyasê û xebatkar beşdarî çalakiyê bûn. Pİştî çalakiya rûniştinê ya bêdeng xebatkar çûn ser karê xwe.

Ji Şaredariya Yenîşehîrê  li hemberî qeyûman nerazîbûn

Şeradiya Yenîşehîrê ya Amedê jî ji bo şermezarkirina tayînkirina qeyû li ber avahiya şaredariyê çalakî pêk anîn. Hevşaredaren Yenîşehîrê Ulku Baytaş û Selîm Kurbanoglu, endamên meclîsa şaredariyê beşdarî çalakiyê bûn. Kurbanoglu  axivî û diyar kir ku hikûmetê hewldana darbeyê wekî fersend dîtiye û li gorî xwe welat dizanyn dike. 

Qeyûm û serdegirtinên malan hat şermezarkirin 

Yekîtiya Hêzê ya ji bo Demokrasî û Kedê ya Dersimê  li ber şaredariyê tayînkirina qeyûman û serdegirtinên malan şermezar kir. Hevseroka DBP'ê ya DErsimê Hulya Yer di daxuyaniyê de axivî û diyar kir ku piştî hewldana darbeyê AKP û Erdogan bi OHAL û KHK'an bingeha rejîma dîkta ava dikin. 

Yer anî ziman ku qeyûmên ku hatine tayînkirin li dijî madeyên makeqanûnê, Peymana Mafên Mirovan a Ewropayê ku Tirkiyeyê îmze kiriye û Şerta Xweseriya Rêveberiyên Herêmî ya Ewropayê û peymanên navneteweyî ne. 

Yer anî ziman ku Şaredariya Dersimê ji aliyê 7 mufetîşan ve di bin kontrolê de ye û ev yek bi awayekî fiîlî pêkanîna qeyûm e. 
Yer li bajar binçavkirina gelek muhalîfan û der barê wan de lêpirsîn vekirin jî şermezar kir û bang li hemû kesan kir xwest li dijî rejîma dîkta dengê xwe bilind bikin. 

(sa)