Ji HPG'iyan li dijî qereqolê çalakî

2016-10-06 13:39:50

COLEMÊRG (DÎHA) – Li gundê Dêlezê ya Geverê gerîlayên HPG’ê bi havan û çekan li dijî Qereqola Jendermeyê ya Kisikliyê çalakî pêk anîn. Piştî  çalakiyê leşkeran derdora gund dan ber guleyan û kesekî birîndar kirin. 

Li gundê Dêlezê ya navçeya Gevera Colemêrgê gerîlayên HPG’ê li dijî Qereqola Jendermeyê ya Kisikliyê bi çekên lûle dirêj û havanan çalakî pêk anî. Piştî çalakiya serê sibê pêk hat leşkeran derdora gund gulebaran kirin û havan avêtin gund. Ji ber êrîşa havanan a leşkeran baytarê pezê gund derman dikir Bişar Ozdemir birîndar bû. Derbarê rewşa Ozdemîr de agahiyek zelal nehat bidestxistin û Ozdemir rakirin Nexweşxaneya Dewletê ya Geverê. 

 Her wiha havanê leşkeran ket ber hin malên welatiyan û di malan de xisara maddî pêk hat. Di çalakiya gerîlayên HPG’ê de derbarê mirî û birîndaran de agahiyek zelal nehat bidestxistin.  

Li herêmê operasyona leşkerî ya berfireh hat destpêkirin û helîkopter jî leşkeran dibin girên bilind. 

 Welatiyên gund ragihandin ku ew nikarin derkevin derve û rayedarên leşkerî jî ji wan re agahiya îlankirina “qedexeya derketina kolanan” dane. Derbarê qedexeya hatiye îlankirin de jî hêj daxuyaniyek fermî nehatiye dayîn.

(gka)