Di serdanên partiyan de peyamên Ocalan hatin axivîn

2016-09-13 14:17:09

ENQERE (DÎHA) - Serdanên Partiyan ên bi munasebeta cejna qurbanê pêk tên didomin. Di serdanên HDP'ê de peyamên Rêberê PKK'ê Abdullah Ocalan hatin şîrovekirin.

Bi munasebeta cejna qurbanê wekî her sal îsal jî nûnerên partiyan hev dû ziyaret kirin. HDP ji ber polîtîkayên şer îsal serdana AKP û MHP'ê nekir.

HDP'ê heyetên partiyên CHP, DSP û Partiya Saadetê qebûl kir. Alîkarê Hevşaredarên HDP'ê Sezaî Temelli, Endamên Meclîsa partiyê Emîralî Turkmen û Songul Erol Abdîl heyatan pêşwazî kirin.

Heyeta CHP'ê ku ji Alîkara Serokê Giştî yê CHP'ê Lale Karabiyik, Endamên Meclîsa Partiyê Yildirim Kaya û Endama MYK'ê Cîhan Demîrtaş, Heyeta DSP'ê ku ji Alîkarê Serokê Giştiyê DSP'ê Erdînç Ozdîl û Hîkmet Aydemîr û heyeta Partiya Saadetê ku ji Alîkarê Serokê Giştîyê Saadetê Latîf Oztek, Alî Vural û Cemal Sertkaya pêk dihat hatin serdana HDP'ê.

Di hevdîtinên ku bi germahî derbas bûn de ji bo li Tirkiye aştî pêk bê hêvî û bendewarî hatin zimên.

'Divê herkes peyamên Ocalan baş binirxîn e'

Alîkarê Hevserokê HDP'ê Sezaî Temellî balkişand ser peyama Rêberê PKK'ê Abdullah Ocalan a duh li Amedê hat xwendin û xwest hemû partî li gorî peyamên Ocalan tevbigerin.

Temellî di berdewama axavtina xwe de li ser tayînkirina qeyûmê jî axivî û dazanîn ku şaredariyên ku qeyûm hatine tayînkirin bi salan e ji hêla mufetîşan ve tên lêkolînkirin û got ku heta niha tiştek nihatiye bidestxistin û got ku bi tayînkirina qeyûmê tê xwestin ku li Tirkiye bûyerên neyînî biqewime.

'Demokrasî ji bo herkesî lazim e'

Alîkara Serokê Giştiyê CHP'ê Lale Karabiyik jî dazanîn ku demokrasî ji bo herkesî pêwiste û dazanîn ku tayînkirina qeyûmê nenaskirina vîna gel e û got ku AKP dixwaze bi Biryarên di Hikmê zagonê de rejîmek nû ava bike.

Li aliyê din Heyeta HDP'ê ya ji Berdevkê partiyê Ayhan Bîlgen, Alîkarê Hevserokên HDP'ê Serpîl Kemalbay û Endamê Meclîsa Giştî ya HDP'ê Orhan Çelebî pêk hat jî çûn serdana heman partiyan.

(ot)