4 mamoste dimeşin Enqerê

2016-09-10 14:08:47

STENBOL  (DİHA) - Ji bo şermezarkirina derxistina kar a mamosteyan 4 endamên Eniya Ked a  Kedkarên Cemaweriyê ji navçeya Kartalê ya Stenbolê ber bi Enqerê ve dest bi meşê kirin.

4 mamosteyên endamên Eniya Kedkarên Cemaweriyê li navçeya Kartal a Stenbolê daxuyaniyek dan çapemeniyê û dûrxistina ji kar a 11 hezar û 285 mamosteyan şermezar kirin.

Mamosteyê bi navê Halîl top daxuyaniyê xwend û dazanîn ku ji ber nasnameya xwe ya demokrat her tim rastî zextan hatiye û got ku ew 3 milyon kedkarên li Tirkiye bi xweydana eniya xwe têkoşîna aştî û demokrasiyê didin û got ku ewê qadên ku bi keda xwe qezenckirine biparêzin.

Top diyar kir ku roj ne roja rûniştinê ye û xwest li hemberî faşîzmê hemû kes li rûmet û pêşeroja xwe xwedî derkeve û bang li tevahî gel kir û piştgiriyê xwest.

Piştî daxuyaniyê mamosteyan ber bi Enqerê ve dest bi meşê kirin.

(ot)