Heyeta HDP'ê bi delegesyona Ewropaya re civîya

2016-09-08 14:32:34

ENEQERE (DÎHA) - Heyeta HDP'ê di bin serokatiya Hevserokê Giştî yê HDP'ê Selahattîn Demîrtaş de bi heyeta Yekîtiya Ewropayê re hat cem hev.

Heyeta HDP'ê ku serokatiya wê Hevserokê Giştî yê HDP'ê Selahattîn Demîrtaş dikir li Enqerê bi delegasyona Yekîtiya Ewropa ya Tirkiye re hat cem hev.

Ligel Demîrtaş Cigirê berpirsiyarê têkiliyên derve û di heman demê de Parlementerê HDP'ê yê Çewlikê Hişyar Ozsoy, Berdevkê HDP'ê Ayhan Bîlgen, Cigira Hevserokên Giştî yên HDP'ê Fatma Kurtulan û Parlementerê Şirnexê Aycan Îrmez jî tevlî hevdîtinê bûn.

Hate diyar kirin ku hevdîtina bi 26 sefîrên dewletên Ewropayê re pêk hat saet û nîvekê dewam kir. 
Di hevdîtinê de heyetan têkiliyên Tirkiye-Yekîtiya Ewropa,  qewimînên piştî hewla darbeyê,  rewşa dawî ya li Rojava û Suriye yê û her wiha greva birçîbûnê ya li Amedê hatî destpêkirin nirxand.

(ot)