HDP: Em li dora çalakiya gervê bicivin

2016-09-08 14:03:20

ENQERE (DÎHA) - Berdevka Meclisa Jinan a HDP'ê Besîme Konca bang li hêzên demokrasiyê kir û got "em li dora çalakiya grevê bicivin" û bi vê hewldanê dikarin çareseriya demokratîk pêk bînin. Konca aşkera kir ku ew dikarin biçin Îmraliyê bi Ocalan re hevdîtinê pek bînin, tenê bila hikûmet prosedura hiqûqî pêk bîne.

Berdevka Meclisa Jinan a HDP'ê û Wekîla Sêrtê Besîme Konca der barê çalakiya greva birçîbûnê ya 4 roj li dû xwe hişt, li Navenda Giştî ya HDP'ê daxuyanî da. Konca bal kişand ser deklarasyona 31'ê Tebaxê û fikarên xweyî der barê rewşa Rêberê PKK'ê Abdullah Ocalan de anî ziman. 

Konca bi bîr xist şeva derbeyê li dijî Îmraliyê êrîş pêk hatiye, leşkerên ku êrîş pêk anî ne revîne Yewnanistanê, her çendî hikûmet rojên destpêkê îadeya wan xwestibe jî lê rojên dawî de neketiye nava tu hewldanê. Konca aşkera kir ku bi êrîşa li dijî Ocalan re dixwazin şerekî navxweyî derxin, lê hikûmet bi hewldana derbeya li dijî xwe re eleqeder dibe.

Konca bi lêv kir ku hikûmet tu ders ji buyerên li Kurdistanê dernexistiye, hêj Nisêbîn û Şirnex tê rûxandin û li hemberî Ocalan komplo berdewam dike, dîsa gelek hêzên demokratîk bi derbeyê re rû bi rû mane. Konca destnîşan kir ku wer dixwiyê dê di rojên pêş de ev taxrîbat hêj zêdetir bibe û got hikûmet dixwaze kaosê kûr bike.

Konca banga "Em li dora çalakiya grevê li hev bicivin" kir û ev tişt anî ziman: "Di hemû serdemên krîtîk de Birêz Ocalan rola xwe leyîst û ji bo demokratîkbûna Tirkiyeyê di nava hewldanan de bûye."

Necûna CPT'yê fikar zêde kirin

Konca der barê neçûna Îmraliyê ya CPT'yê de jî fikarên xwe anî ziman û aşkera kir ku vê rewşê rikarên di vê der barê de hêj zêdetir kiriye. Konca diyar kir ku ew wekî jin di çareseriya demokratîk de dikarin rol bigirin, bi vê riyê dikarin biçin Îmraliyê bi Ocalan re hevdîtinê pêk bînin, tenê bila hikûmet riya vê veke.

(ms)