Nûnertiya Rojava li Almanyayê jî hat vekirin

2016-05-07 12:17:04

NAVENDA NÛÇEYAN (DÎHA)- Rêveberiya Xweseriya Demokratîk a Rojavayê  Kurdistanê, li paytexta Almanyayê Berlîn, nûnertiyeke xwe vekir. 


Rêveberiya Xweseriya Demokratîk a Rojavayê  Kurdistanê, li Almanyayê nûnertî vekir. Buro bi alên TEV-DEM`ê, YPG/YPJ,   Almanyayê ve  hat xemilandin. Di merasîmên vekirinê de jî Nûnera Rêveberiya Xweseriya Demokratîk li Ewropayê Sînem Mihemed, ji Partiya SPD Şêwirmendê berê yê Wezîrê Dadgehê Pro. klaus Faber, Serokê Rêxistina Gelên li ber tunebûnê, Rojnemevan, Qisîsê û hin endamên rêxistina Christian, Nûnerên Partiya Çep û MLP`ê ya elmaniya, Berpirsê Ewlekariya Elektronî di Wezareta Enerjî û Aboriyê li Almanya Ulrich Sandl, gelek nûnerên partiyên kurd li Sûriyeyê û bi sedan ji kurdên li Almanya û Ewropa, amade bûn.

Di merasîmavekirinê de, gelek axaftin hatin kirin û tê de vekirina buroya nûnertiyê hat pîrozkirin û hêviya xurtkirina têkiliyan di navbera Rojava û Almanyayê de û vekirina nûneriyên din hat xwestin.

Paşê hunermend Bangîn Agirî û Hikmet Cemîl (Bangîn) stranên kurdî pêşkeş kirin. Vekirin jî ji aliyê Nûnera Rêveberiya Xweseriya Demokratîk li Ewropa Sînem Mihemed û dayika tekoşerekî ve hat kirin.

Bi vekirina vê nûneriyê, hejmara buroyê Rêveberiya Xweseriya Demokratîk li welatên derve derdikeve çaran. Yek li bajarê Silêmaniyê  di 15` tebaxa 2015`an de hat vekirin, paşê  di 10`ê sibata 2016`an de li paytexta Rûsiya Moskove û di 17`nîsanê de jî li paytexta Siwêd Stockholm  hat vekirin.

(sa)