Jiyana Vedat Balik bû belgefîlm


2015-11-06 09:09:40

WAN (DÎHA) - Jiyana Vedat Balik ê ji aliyê polîsan ve hat qetilkirin bû belgefîlm. Derhênêrê belgefîlm a ku navê Vedat Balik ê ku wek apê xwe li heman kolanê  ji aliyê dewletê ve hatiye qetilkirin dane, Şerîf Polat  balkişand li ser qetlîamên dewletê û da zanîn ku dewlet dixwaze qetlîama normal bide nîşandin û nirxandina "Ji bo ev qetlîam nehên ji bîrkirin huner di dewrê de ye" kir.

Jiyana Vedat Balik (18) yê ku 15 Îlonê li taxa Şehid Firat a navçeya Artemêtanê ya Wanê ji aliyê polîsan ve hat qetilkirin bû belgefîlm. Belgefîlm a ku navê wê "Xaçort Şehid Vedat" e qala taxa Xaçort a ku polîtikayê dewletê yên qirêj pêk tên û li dijî van polîtîkayan berxwedana gel tê ber çavan dike. Derhênêrê belgefîlmê ji xebatkarên Navenda Huner a Nûda Şerîf Polat  dike. Polat ê der barê belgefîlmê  de axivî û da zanîn ku di belgefîlmê de ciwanekî ku ji aliyê dewletê ve bê sebeb hatiye qetilkirin û terora dewletê  ya ku li taxekî pêk tê derbas dibe.

'Li dijî qetlîaman peywira hunermendan heye'

Polat bal kişand li ser şerê psîkolojîk ê ku dewlet li Kurdistanê pêk tîne da zanîn ku li dijî qetlîman peywira hunermenda heye û wiha got: "Li dijî şerê psîkolojîk dive huner derxin pêş  û têkoşîna li dijî şerê psîkolojîk bê dayîn." Polat diyar kir ku dewlet dixwaze qetlîaman wek normal bide nîşandin û wiha  nirxandina "Ji bo ev qetlîam nehên ji bîrkirin huner di dewrê de ye" kir. 


Polat da zanîn ku di belgefîlmê de dayik û apê Vedat û şahidên qetilkirina Vedat hene û wiha berdewam kir: "Ew ê ku belgefîlm temaşe bike  dê ji jiyana xwe perçeyekî bibîne.  Ji ber vê yekê  belgefîlm bang li wîjdana mîrovan dike." Polat di dawiya axaftina xwe de balkişand li ser cihê hunera li Kurdîstanê û wiha got: "Ednigara Kurdîstanê ya ku qetlîam, zilm pêk tê dive ku huner derkeve pêş û ev qatlîamên ku tên kirin bên dîtin."


Belgefîlm a ku jiyana Vedat Balik û apê wî jî di 1996'de li  heman kolanê ji aliyê dewletê ve hatiye qetilkirin vedibêje di Rojên Fîlman a Axtamaraya Wanê de bi derkeve pêşberî hunerhezan. 

(fb/sa)