Seba azadîyên xo tekoşîn donêy

2013-09-30 16:25:21

AMED (DÎHA) - Endamê Partîya Sur a Norweçî Sveîn Olsen seba şînasnayişa kurdan ser Rojawanî şî û oca de çimverê kerd. Seba çimverên xo ser Svêîn Olsen, vat ke şarê Rojawanî seba azadîyên xo, xo pawiyenêy û wina vat: "No rewşî ser zî ez zaf keyfweş bîya. Dema vîyarteyî de Surîyayê de welatijê kurdan çinê bî û nika seba pawiyayişên xo ser hezên pawiyeyişên xo ronay." 

Dema vîyarteyî ra hetanî nika Sûrîyeyê de kurdêy her tim binê zilmî de mendêy û la belê hemverê nêy zilman de şarê Rojawanî, şoreşa xo îlan kerdêy û pergala xo, bi xo înşa kenêy û no rewş zî elaqaya heme demokratan Rojawanî oncena. Înan ra yew zî  Endamê Partîya Sur a Norweçî Sveîn Olsen o, Olsen şî Rojawanî û oca de çimverên xo kerd. 

Têkoşîn dest veranêdêy

Çimverên xo Svêîna Olsen, qise kerd û vat ke ey zî nijadîya Samî ra yo û înan zî bi seran serr hemverê zilman de têkoşîn day û wina vat: "No ser zî en weş ma têkoşînda kurdan ra fam kenêy. Pergala Norweçî belkî se welatê Sûrîye û Tirkîya kurdan bi qiştişî de nêhelêna yo, la sewbi rayêran de waşt bihelên o. Nika kenayê min nêeşkena ziwane xo qise bikero û no ser zî ganî kurdan têkoşîn xo her tim bidomnêy û eke kurdan destê têkoşînê berdêy, no dem zî dewlet înan biqedno."

Olsen, dîyar kerd ke ey bi çimê xo waşt o, şoreşê veyno û no ser zî şîyo Rojawanî û wina domna: "Dema vîyarteyî de Surîyayê de welatijê kurdan çinê bî û nika seba pawiyayişên xo ser hezên pawiyeyişên xo ronay. Bi seran serr hukûmata Norweçî zî ma nêşînasna û no ser zî ma nêeşkîyaynê vajê; ma samî yê, eke ma bivatêynê ma samî yê, dewlet ma ra ard nêdaynê. No ser zî ma nasnameyê xo înkar kerdinêy."

Ma nêeşkîyay vajêy

Olsen, aşkera kerd ke hetanê amira 30 serrê yê, ey nêzona yo, ey şarê samî ra yo û nînan ard ziwan: "Dema gedeyê to min de ma zî, pîy û maya min nêeşkîyaynê ziwane xo de qise bikerêy. Dewleta Norweçî gedeyan bi zorê malbatan ra girewtinê û dibistanan xo de perwerde kerdinê, no ser zî gedeyan asîmîle bîynê. Hemverê no rewşî de zî serra 1981'ê 20 kesêy verê Parlementoya Norweçî de kewtêy greva veyşonê û no ser zî hukûmat ma de pêame, la belê ma zî zananêy ke înan zî se dewleta tirk ma xapinena."

Olsen, dest nîşan kerd ke înan hewna zî binê mêtîngerîya dewlet Norweçî de yê û wina qedna: "Nika belkî yew parlementoyê ma est o, la ma hewna zî binê mêtîngerî de yê, ma bi tepiştişa masîyê de aborîya xo qezenc kenêy, la belê dewlet destê ma ra no masîyan gîna û cayên dewlemendî ra bena. Dewleta Tirk zî petrola Kurdistanê, keyfa xo şixulnena." 

(aw)