Hesan do Munzur xirap bikerêy

2013-09-30 16:19:10

ROJDA KORKMAZ 

DERSÎM (DÎHA) - No seran serro ke Dewleta Tirk xozayîya Kurdistanê xirap kena û nika zî bi hes û awbendan de zî Newala Munzurê xirap bikera û hemverê no rewşê de zî şarê Dêrsimê têkoşîna xo donêy.

Dêrsim de dewleta tirk wazena do sere Newala Munzurê awbendên Bozkaya, Kaletepe, Konaktepe, Akyayik û Hesa Mercanî înşa bikera. Hemverê no projeyan de zî serra 2011'ê de zî doz amebî akerdiş û no doz zî vizêr Dadgeha Îdareya 3'ina Enqereyî de ame dîyîş. 

No seran serro ke Dewleta Tirk xozayîya Kurdistanê xirap kena û nika zî bi hes û awbendan de zî Newala Munzurê xirap bikera û hemverê no rewşê de zî şarê kurd têkoşîna xo donêy. Verê Doza Munzurê Pwt. Alî Bariş Yildirim ser doz û viraştişa hesan ser nirxand.

Yildirim, dîyar kerd ke serra 1971'ê de Newala Munzurî 'Parka Netewî' ameya îlan kerdişê, la belê  serra 1985'ê de zî sere Newala Munzurî de viraştişa awbend û hesêy ser biryar ameya girewtişî û sifteyin awbend zî bi qeçexî de 1985'ê de dest pê kerd, no awbend zî 2003'ê zî qedya û serra 2008'ê yew şîrketa taybet dest pê hilberina ceryanê dest pê kerda.

Xozayê nêpawenêy

Yildirim, dîyar kerd ke zereyê Parka Munzurî de bi hezaran tewirên nebatî estêy û wina vat: "Newalî de Dêrsimî ra xozayî zaf hûmarî de nebatê estêy û eke destûr bidê se no nebatan pêroyina Tirkîyayê vila, la belê seba ewlehî ser lejkeran destûr nêdonêy ke şar no cayan ra biresêy. Dinyayê de se Newalên Munzurî cayan binê pawiyayişî de yê. la Tirkîyayê pawiyayişa xozayî ser qet polîtîkayan çînyo. Sazîya Teşkîlata Plankerdişa Dewletî serra 2009'ê de sere royan de viraştişa awbend û hesan ser biryar girewta. Tirkîya Pêameyişa Miyannetewî ra îmze eşta û no ser zî viraştişa heme hes û awbendan qeçax yeno viraştiş. 

Ardlerz bibo

Yildirim, bal ont ser fayên arlerza Pulurê û nînan ard ziwan: "Nika Pulurê ra gird yew faya ardlerzê vîyarena û eke sere no fayê 4 hebêy awbend bêro viraştiş, do no fay aktîf bibo û ardlerza gird zî bibo û no ardlerzî ra Meletî, Xarper, Çewlîg û bi taybetê Dêrsim zaf zirar veyno. Peynîya no awbendan heme kultur û dîroka elewîyan binê awe de bimanêy û seba awbendan ma heme elewîyan do herêmê ra sirgûn bikerêy. No ser zî ganî her kes no dewayê ra beşdar bibo û no biryarê ganî bêro vindertişî." 

(aw)